Sekretáriu Estadu Formasaun Profisionál no Empregu, Alarico do Rosário. Imajen Tatoli/Egas Cristovão

DILI, 09 novembru 2021 (TATOLI)—Sekretária Estadu Formasaun Profisionál no Empregu (SEFOPE) husu adisionál millaun $3 iha Orsamentu Jerál Estadu (OJE) 2022, hodi bele ezekuta ba planu ne’ebé planea ona.

“OJE 2022, SEFOPE prevee millaun $4 tanba haree ba orsamentu la sufisiente, nune’e husu tan adisionál millaun $3 hasae to’o millaun $7 hodi bele reforsa sentru formasaun sira, atu prepara joven sira ba kampu traballu iha rai-laran no estranjeiru no sira seluk,” Sekretáriu Estadu SEFOPE, Alarico do Rosario, hateten ba jornalista sira hafoin halo audiénsia públiku ho komisaun D Parlamentu Nasionál, iha Parlamentu Nasionál, tersa ne’e.

Nia dehan, orsamentu SEFOPE tinan oin hetan redusaun 23% kompara ho 2021, nune’e halo diskusaun ho komisaaun D oinsá mak bele tau adisionál hodi lori ba plenária atu diskute.

Tuir dokumentu livru 2 planu annual OJE 2022, Sekretária Estadu Formasaun Profisionál no Empregu (SEFOPE) prevee $4,815,221 hodi aloka ba saláriu vensimentu $1,952,772, bens servisu $1,849,139, kapitál menór, kapitál dezenvolvimentu laiha, transferénsia públika $1,013,310.

Hosi orsamentu ne’e finasia programa haat (4), sub-programa sia (9) no atividade 28.

Orsamentu bazea ba programa

Programa dezenvolvimentu rurál no urbanu sei gasta $450,718, programa boa-governasaun no jestaun instituisionál sei gasta $1,437,916, programa igualidade jéneru no inkluzaun sosiál sei gasta $19,155, programa investimentu no diversifikasaun ekonómika sei gasta $2,907,432.

Programa dezenvolvimentu rurál no urbanu ho nia sub-programa reforsa servisu SEFOPE iha munisípiu no exteriór ninia atividade mak servisu desentraliza iha munisípiu.

Programa boa-governasaun no jestaun instituisionál nia sub-programa rua (2) no atividade 10.

Programa igualidade jéneru no inkluzaun sosiál ho nia sub-programa implementsaun NA P-GBV nia atividade mellora entendimentu servisu públika iha SEFOPE kona-ba konvensaun CEDAW, atividade promove no kria empregu ba joven mane no feto atu garante igualidade jéneru.

Programa investimentu no diversifikasaun ekonómika ho nia sub-programa estratéjia nasionál empregu no atividade aumenta prokura merkadu traballu, mellora oferta merkadu traballu, kontinua fortalese instituisaun iha merkadu traballu.

Sub-programa informasaun nasionál kona-ba mão-de-obra no merkadu ho nia atividade peskiza no estudu kona-ba merkadu traballu, atividade dezenvolve baze dadus SIMU-WEB.

Sub-programa kria oportunidade empregu ninia atividade dezenvolve no endireita parseria fortalese sentru empregu, estabelse grupu Plataforma, divulgasaun no akonsellamentu profisionál, atividade kria empregu ba dezenpregu liuhosi insentivu empreendedorizmu, atividade kolokasaun no protesaun traballador exteriór.

Atividade promove no proteje traballadór Timorense liuhosi servisu ba adidu no asisténsia traballu, atividade monitorizasaun no avaliasaun programa iha ambitu formasaun profisionál empregu no traballu.

Sub-programa sertifikasaun instituisaun (sentru formasaun) ho atividade formasaun profisional, atividade implementasaun programa nasionál estájiu hosi via sentru formasaun profisionál, atividade fortalesimentu instituisionál sentru formasaun.

Sub-programa relasaun traballu nia atividade prevene no rezolve konflitu laborál, atividade komemorasaun loron mundiál traballu,

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here