Autoridade lokal hamutuk ho diretor eskola rona informasaun konaba asesu UNTL. Imajen Tatoli/Celestina Teles.

COVALIMA, 09 novembru 2021 (TATOLI)—Ministériu Ensinuu Superiór, Siénsia no Kultura (MESSK) hamutuk Universidade Nacional Timor Lorosa’e (UNTL) disemina informasaun kona-ba estudante finalista tinan akadémiku 2021 sira-ne’ebè atu asesu ba UNTL. 

Xefe Departamentu MESSK, Angelo Xavier. Imajen Tatoli/Celestina Teles.

“Ohin, ami halo diseminasaun informasaun kona-ba estudante finalista 2021 atu asesu ba UNTL nu’udar lei baze diploma ministeriál atu implementa hodi asesu ensinu superiór públiku ni’an liu-liu ba UNTL no IPB Manufahi,” Xefe Departamentu Kúrrikulu Nasionál Ensinu Superiór, Angelo Xavier, hateten ba jornalista iha salaun Edukasaun Covalima, tersa ne’e. 

Bazea ba diploma ministeriál númeru 58/2021, 16 agostu, atu asesu instituisaun Ensinu Superiór Públiku (UNTL no IPB) ba tinan akadémiku 2022 fahe ba rezime jerál no rejime espesiál 

Rejime jerál ba kandidatu sira-ne’ebè ramata ensinu sekundáriu iha tinan akadémiku 2021 no realiza ezame nasionál hosi Ministériu Edukasaun, Juventude no Desportu (MEJD). 

Rejime espesiál refere ba kandidatu sira iha kondisaun espesiál hanesan oportunidade, veteranu, veteranu ka martír sira nia-oan, ema kbiit laek nia oan mai hosi família ne’ebè ekonomikamente dezfavoresida, kandiatu ho defisiéensia fizika no sensoriál ne’ebè komprovadu no prátikante desportivu sira-ne’ebè ho rendimentu desportivu aas liu.

Kandidatu ne’ebè ramata ensinu sekundáriu iha eskola internasionál sira iha Timor-Leste, sidadaun timor-oan ne’ebè ramata eskola sekundáriu iha rai-li’ur, sidadaun estranjeiru sira-ne’ebè aemata eskola sekundáriu tiha ona, diplomata estranjeiru ne’ebé hala’o misaun iha Timor-Leste ho nia família.

Kandidatu ne’ebè ramata kursu hosi ensinu superiór, kandidatu sira-ne’ebè ho idade 23 ba leten,  maske la ramata ensinu sekundáriu tuir númeru 5, artigu 18, lei  número 14/2008, 29 outubru (lei baze Edukasaun, ofisiál hosi kuadru permanente hosi polísia Nasionál Timor-Leste no kandidatu sira-ne’ebè asesu ba IPB ne’ebè hela iha munisípiu Manufahi. 

Ditetór servisu Edukasaun Covalima, Edmundo Pereira, agradese ba ekipa nasionál ne’ebè disemina informasaun ba autoridade lokál atu asesu ba UNTL.

“Ita agradese ekipa MESSK hamutuk ho UNTL mai disemina informasaun kona-ba estudante finalista 2021 iha oportunidade ida-ne’e, tanba kada tinan prosesu atu asesu ba UNTL inan-aman sira seidauk iha kuñesimetu ikus mai hodi ema barak la hola parte iha prosesu selesaun asesu UNTL no IPB,” nia hateten. 

Nia dehan, bazea ba esperiénsia ne’ebè iha maske tinan uluk mós halo disemina informasaun kona-ba atu asesu ba UNTL maibé inan-aman sira kontinua laiha informasaun. 

Prosesu atu asesu ba UNTL fó oportunidade ba veteranu nia oan sira vaga hamutuk 70 maibé na’in-32 ne’ebè rejistu konsege liu hotu, ba família kbiit laek asesu ba UNTL kiik na’in-22 maibé realidade família vulnerável iha Covalima barak tebes.

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here