Ministru Koordenadór Asuntu Ekonómiku (MKAE), Joaquim Amaral. Imajen TATOLI/Francisco Sony.

DILI, 09 novembru 2021 (TATOLI)—Ministéiru Koordenadór ba Asuntu Ekonómiku (MKAE) prevee $1,653,170 iha Orsamentu Jerál Estadu (OJE) 2022.

“OJE 2022, MEKAE prevee $1,653,170 hodi finansia programa rua, sub-programa tolu no atividade 12,” Joaquim Amaral hateten bainhira halo audiénsia públiku ho Komisaun C Parlamentu Nasionál, iha sala plenária, tersa ne’e.

Ministéiru Koordenadór ba Asuntu Ekonómiku (MEKAE) prevee $1,653,170, aloka ba saláriu vensimentu $162,277, bens servisu $,440,893, kapitál menór, kapitál dezenvolvimentu laiha, transferénsia públika $50,000.

Orsamentu bazea programa

Programa boa-governasaun no jestaun instituisionál sei gasta $531,211 no programa investimentu no diversifikasaun ekonómia sei gasta $1,121,959.

Programa boa -governasaun no jestaun instituisionál ho nia sub-programa ida no atividade haat.

Programa investimentu no diversifikasaun ekonómia ho nia sub-programa polítika ekonómika nia atividade mak monitorizasaun ba negósiu kii’ik rurál hodi finansia liu hosu subvensaun públika, atividade   koordenasaun polítika departamentu ministerial no ajénsia tutela, atividade desiminasaun informasaun kona-bá atividade ekonómika.

Atividade halo koordena, monitoriza no avalia implementasaun planu rekuperasaun ekonómiku, atividade dezenvolvimentu no kapasitasaun setór privadu iha área ekonómia no institui instrumentu apoiu ba finansiamentu mikro ki’ik, médiu no empreza boot.

Atividade koordena no akompaña servisu no polítika governamental dezenvolvimentu setór privadu no kooperativa.

Sub-programa diversifikasaun ekonómia ho nia atividade koordenasaun, sosializasaun no desiminasaun ba dezenvolvimentu komérsiu, atividade konsebe no promove polítika diversifikasaun ekonómia.

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here