Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 08 novembru 2021 (TATOLI)—Tribunál Rekursu tau ona planu iha Orsamentu Jerál Estadu (OJE) 2022 hodi prevee rihun $882-resin hodi halo dezeñu ba edifisíu Tribunál Primeira Instánsia iha munisípiu sira.

“Tinan oin ita tau orsamentu rihun $88-resin hodi halo dezeñu edifísiu Tribunál primeiru instánsia iha munsípiu ho modelu ida de’it no mós ba dezeñu Tribunál Supremu nian, ho mós reabilitasaun rezidénsia juis nian iha Oé-Cusse no Baucau,” Prezidente Tribunál Rekursu, Deolindo dos Santos, hateten ba jornalista sira hafoin halo audiénsia públiku ho Komisaun A Parlamentu Nasionál iha Parlamentu Nasionál, segunda ne’e.

Planu konstrusaun atu loké tan edifísiu Tribunál primeiru instánsia bainhira termina ona dezeñu no rai mak TR sei hamutuk ho entidade relevante sira, ba oin sei prevee orsamentu tau uluk priodidade hodi hahú konstrusaun Tribunál primeira instánsia iha munisípiu tolu mak Viqueque, Ermera no Maliana.

Iha dokumentu livru 2 planu anuál Tribunál Rekursu prioritiza ho programa kódiku 171 aproxima servisu Tribunál ba populasaun no nia sub-programa edifísiu Tribunál no atividade konstrusaun edifísiu Tribunál hodi aloka rihun $882,000 iha verba kapitál dezenvolvimentu.

Iha OJE 2022, TR prevee millaun $7-resin hodi implementa programa sira-ne’ebé trasa ona maibé la sufisiénte atu responde.

Nune’e, Deolindo dos Santos hateten, TR ho proposta  husu tán adisionál rihun $900 ba deputadu sira iha Komisaun A atu konsidera lori ba plenáriu hodi aprova.

“Adisionál atu aloka tan ba kapitál menór, atu fó resposta ba nesesidade urjente Tribunál sira-nian ne’ebé iha, hanesan julgamentu video konferénsia, sistema gravasaun no sira seluk,” nia dehan.

Tuir dokumentu livru 2 planu anuual OJE 2022 Tribunál Rekursu prevee $7,091,187 aloka ba saláriu vensimentu $3,606,288, bens servisu $2,602,899, kapitál dezenvolvimentu $882,000, kapitál menór no transferénsia públika laiha.

Hosi orsamentu ne’e, hodi finasia programa tolu, sub-programa 10 no atividade 13.

Orsamentu bazea programa

Prgrama aproxima servisu Tribunál ba populasaun sei gasta $ 4,807,008, programa asesu justisa sei gasta $141,620 no programa boa-governasaun no jestaun instituisional sei gasta $2,142,559.

Programa aproxima servisu Tribunál ba populasaun ho objetivu médiu prazu sidadaun iha asesu sistema justisa indepedente, justu, efisiente, ne’ebé proteje direitu liberdade, defende no interpreta lei, rezolve disputa forma pasífika, justa no efikaz no mantein instituisaun públika responsavel.

Ho nia Sub-bprograma Tribunál Rekursu ho nia atividade jestaun Tribunál Rekursu.

Sub-programa konsellu superiór majistratura judisiál ho atividade jestaun konsellu superiór majistratura judisiál.

Sub-programa Tribnuál Distritál ho nia atividade jestaun Tribunál Distritál.

Sub-programa lejislasaun no nia atividade desiminasaun lei ne’ebé vigór direitu, devér no sidadania.

Sub-programa edifísiu Tribunál nia atividade konstrusaun edifísiu Tribunál.

Sub-programa rekursu umanu afetu prestasaun servisu ho nia atividade jestaun rekursu umanu.

Aleinde, programa asesu justisa ho objetivu médiu prazu sidadaun hotu iha asesu no kuñesimentu kona-ba sistema justisa.

Ninia sub-programa dezenvolvimentu rekursu umanu iha área tékniku espesífika no atividade formasaun ba autór justisa.

Purtantu, programa boa-governasaun no jestaun instituisionál ho nia sub-programa tolu no atividade neen.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here