Prezidente Repúblika, Francisco Guterres 'Lú-Olo'. Imajen Tatoli/Antonio Gonçalves.

DILI, 08 novembru 2021 (TATOLI)—Prezidente Repúblika, Francisco Guterres Lú Olo, husu komunidade Rejiaun Administrativa Espesiál Oé-Cusse Ambeno (RAEOA) atu hasa’e produsaun lokál, liu-liu ai-han atu la dependente ba importasaun.

“Pandemia COVID-19 ne’ebé sidadaun iha mundu tomak hasoru fó oportunidade ba ema hotu-hotu, inklui Oé-Cusse oan atu hasa’e ninia produsaun lokál,” Prezidente Repúblika, Francisco Guterres Lú Olo, hateten liuhosi komunikadu ne’ebé Agência Tatoli asesu, segunda ne’e.

Iha audiénsia ne’e, komunidade hosi RAEOA hato’o mós preokupasaun ne’ebé komunidade sira enfrenta relasiona ho seguransa iha fronteira terrestre no marítima. Transporte marítima, tranzasaun ilegal iha fronteira, estrada rurál, eletrisidade iha Naktuka,  postu seguransa iha Oesilo no Naktuka.

Xefe Estadu haksolok tebes hasoru foin-sa’e sira hosi RAEOA no manifesta ninia disponibilidade atu rona preukupasaun ne’ebé komunidade enfrenta.

Prezidente Repúblika hein katak preokupasaun sira-ne’e bele rezolve iha RAEOA no sei transmite ba Governu liuhosi audiénsia regulár ho Primeiru Ministru, Taur Matan Ruak.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here