Postu UPF iha Oésilo, RAEOA. Imajen espesiál

OÉ-CUSSE, 08 novembru 2021 (TATOLI) — Komandante PNTL RAEOA, Superintendente Xefe, Mateus Mendes Assunção, fó-sai katak, komandu jerál hamutuk ho parseiru sira halo ona identifikasaun ba postu UPF rua iha sub-rejiaun Pante Makassar no postu fronteira Oésilo atu halo konstrusaun foun iha 2022.

“Postu UPF fronteira planeia ona atu halo konstrusaun foun, foin daudaun ne’e doadór sira hosi TLTDP mai identifika postu rua fronteira Sakato, sub-rejiaun Pante Makassar halo konstrusaun ba postu UPF ho Polísia Unidade Marritíma (UPM), no fronteira Oésilo sub-rejiaun Oésilo,” Komandante PNTL RAEOA informa ba Agência TATOLI, iha Oé-Cusse, segunda ne’e. 

Komandante PNTL RAEOA, Superintendente, Mateus Assunção Mendes. Imajen Tatoli/Abílio Elo Nini.

Nia fó-sai katak, iha Oé-Cusse postu fronteira rua ne’e mak hetan atensaun hosi doadór sira no prosesu konkursu públiku la’o hela.

Nia haktuir, planu hosi komandu jerál katak, halo mós konstrusaun ba postu UPF iha sub-rejiaun seluk ho postu ba polísia imigrasaun nian, maibé postu Sakatu ho Oésilo mak sai prioridade uluk tanba kondisaun la merese ona atu hala’o servisu iha fatin rua ne’e, tanba ne’e maka postu rua ne’e iha ona prosesu konkursu públiku.

Xefe suku Bobometo, sub-rejiaun Oésilo, Rejiaun Administratuva Espesiál Oé-Cusse Ambeno (RAEOA), José Elo, husu ba Governu atu tau atensaun ba kondisaun postu Polísia Unidade Fronteira (UPF) iha suku sub-rejiaun refere tanba kondisaun tempu udan-been tama estraga dokumentu nasaun nian. 

Xefe suku Bobometo, sub-rejiaun Oésilo, José Elo.

“Ha’u-nia suku iha postu UPF rua kondisaun ladi’ak ona, iha fulan hirak liubá ami hatama ona proposta iha autoridade RAEOA atu hadi’a postu rua ne’e, tanba ami haree kondisaun postu rua ne’e la dignu ona ba seguransa sira atu halo servisu, tempu udan ne’e sira terus liu,” nia informa.

Postu UPF rua ne’e ida iha Oésilo sentrál lokaliza iha aldeia Usapibela no postu UPF Faotbasin iha aldeia Quibiselo.

Jornalista         : Abílio Elo Nini
Editór               : Evaristo Soares Martins

 

PUBLISIDADEiklan

HAKEREK NO HATÁN

Please enter your comment!
Please enter your name here