Timor Resources halo perfurasaun iha rai-maran iha posu Feto Kmaus, Covalima. Imajen TATOLI/Celestina Teles

COVALIMA, 08 novembruu 2021 (TATOLI)—Country Manager Timor Resources, Filomeno Andrade informa, hafoin Primeiru-Ministru Taur Matan Ruak hala’o lansamentuu hodi fó fiar ba Kompañia Timor Resources hamutuk ho Timor GAP atu halo perfurasaun mina posu Feto Kmaus ne’ebè lokaliza iha munisípiu Covalima to’o oras ne’e seidauk iha rezultadu. 

Notísia Relevante: PM Taur lansa perfurasaun mina iha Covalima

Country Manager Timor Recsources, Filomino Andrade. Imajen Tatoli/Celestina Teles.

“Ha’u atu hateten, hafoin halo lansamentu to’o agora seidauk hetan nia rezultadu. Maibé sei halo teste kontinua hodi halo perfurasaun maibé seidauk iha rezultadu,” Filomeno Andrade informa ba Agência Tatoli iha areadór prizaun Covalima, segunda ne’e.  

Oras ne’e daudaun, nia dehan, iha prosesu perfurasaun kontinua sei la’o hela maibé seidauk iha nia rezultadu hanesan informasaun ne’ebè públiku iha rede sosiál katak prosesu perfurasaun mina posu Feto Kmaus hetan ona mina no gás ne’e lia falsu.

Molok Primeiru-Ministru Taur Matan Ruak atu halo lansamentu, Autoridade Nasional Petróleu no Minerál, Timor Resources hamutuk ho lia-na’in sira realiza uluk serimónia rituál hodi husu lisensa ba eroi mo be’iala sira atu fó rezultadu ne’ebè di’ak. 

Antes ne’e, iha loron 27 fulan-outubru tinan 2021, Primeiru-Ministru Taur Matan Ruak hamutuk ho Ministru Petróleu no Rekursu Minerál Victor da Conceição, Vise-Ministru Administrasaun Estatál Lino Torezão no Xefe Estadu Maiór Jenerál FALINTIL-Forsa Defeza Timor-Leste (F-FDTL), Tanente Jenerál Lere Anan Timur hala’o lansamentu mina Posu Feto Kmaus. 

Notísia Relevante: Timor-Leste marka istória dahuluk halo perfurasaun mina iha rai-maran

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here