Diretòr STAE Covalima, Cláudio Cardoso. Imajen Tatoli/Celestina Teles.

COVALIMA, 08 novembru 2021 (TATOLI)–Kandidatu brigada 279 hosi Postu Administrativu hitu iha Covalima tuir teste eskrita iha Sekretariadu Tekniku Administrasaun Eleitorál (STAE) hodi halo preparasaun ba eleisaun prezidensial iha marsu 2022.

Notísia Relevante: Dadus provizóriu: STAE rejista eleitór 855.630 hosi janeiru-outubru 2021

“Ohin, ami fó teste eskrita ba kandidatu brigada ne’ebe atu destaka iha postu administrativu hitu (7) no hosi suku 30 ne’ebè pertense ba munisípiu Covalima,” Diretór STAE Covalima, Cláudio Cardoso, informa ba Agência Tatoli iha nia knar fatin, segunda ne’e.

STAE rekruta brigada sira depende ba sentru votasaun, hanesan iha postu administrativu Fatululik iha sentru votasaun lima (5), ntaun brigada hosi STAE mós na’in-lima (5). 

Hafoin teste esktrika atu fó sai rezultadu hosi teste ne’e bazea ba halo koresaun matéria ne’ebé tuir teste eskrita, nune’e sira bele kontinua tuir teste orál no sei fó sai rezultadu foin bele halo kontratu ho sira 

Bazeia plunu hosi STAE kandidatu ne’ebè pasa iha teste eskrita no orál ne’e, STAE halo kontrata durante fulan tolu (3) ne’ebè sei hahú hala’o servisu iha fulan-janeiru to’o marsu 2022.

“Ita halo rekrutamentu bazea ba sentru votasaun iha Covalima hamutuk 80 tuir planu preparasaun ba eleisaun prezidensiál 2022, nune’e STAE sei kontratu brigadista na’in-80 atu destaka iha sentru votasaun sira iha munisípiu Covalima,” nia hateten.

Kandidatu Brigada STAE Covalima, Maria Cesaltina do Carmo, hateten nia parte atu liu teste ka la liu mós prontu atu simu tanba nu’udar Covalima oan lakohi lakon oportunidade ida-ne’e atuu kontribui. 

“Ita tuir teste lalika hakarak liu de’it. Liu ka liu nu’udar Covalima oan tenke aplika ba vaga ne’ebè mak STAE Covalima fó sai,” nia dehan.

Notísia Relevante: STAE Covalima identifika sentru votasaun provizóriu 80 no estasaun 92

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here