Komandante Polísia Nasionál Timor-Leste (PNTL) Munisípiu Viqueque, Superintendente Sebastião Alves Quintão. Imajen Tatoli/Vitorino Lopes da Costa

VIQUEQUE, 06 novembru 2021 (TATOLI) — Komandu Polísia Nasionál Timor Leste (PNTL) Munisípiu Viqueque, lideradu Superientendente Sebastião Alves Quintão, la rejista kazu ruma durante selebrasaun loron finadu.

“Ha’u kongratula populasaun munisípiu Viqueque tomak ne’ebé durante loron 01 no 02 novembru PNTL la rejista kazu ruma,” Sebestião Alves Quintão informa ba Agência Tatoli, iha salaun adiministrasaun munisípiu Viqueque, sabádu ne’e.

Sebastião hatutan, loron finandu ne’e iha munisípiu seluk rejista ema mate no kanek, maibé Viqueque situasaun la’o nomál no kontroladu.

“Ida-ne’e ita-nia populasaun munisípiu Viqueque hatudu vontade tomak hodi kontribui ba establidade,” Komandante PNTL Munisípiu Viqueque ne’e kongratula populasaun.

Komandu PNTL munisípiu Viqueque kompostu hosi eskudara lima, hanesan Viqueque Vila, Lacluta, Ossu, Uatucarbau no Uatulari la rejista akontesimentu iha tempu finadu.

“Iha tinan 2019, husi Lautém ha’u mai iha Viqueque, membru sira hateten mai ha’u katak kuandu tama loron boot hanesan tinan foun sempre iha problema. Maibé, ha’u garantia sei laiha problema ruma tanba ha’u juventude ne’ebé rezisténsia, ha’u mai hamutuk ho imi, ha’u kontente,” nia hateten.

“Ha’u fiar ema sei la bolu tán Viqueque ne’e mutu-rabu, maibé ema sei bolu Viqueque mutu-rau (laran di’ak). Ida-ne’e mak ita tenke kria pás no trankuilidade,” Komandante PNTL Munisípiu Viqueque ne’e hateten.

Jornalista         : Vitorino Lopes da Costa

Editór               : Evaristo Martins

PUBLISIDADEiklan

HAKEREK NO HATÁN

Please enter your comment!
Please enter your name here