Jogadór ekipa AS Marca FC no Fitun Estudante (FIEL) hala’o kontra atake. Imajen/Mídia LFTL

DILI, 05 novembru 2021 (TATOLI) – Avansadu klube segunda divizaun Liga Futeból Timor-Leste (LFTL) AS Marca FC, Ezaquiel da Cruz (10) susesu iha nia jornada lori nia ekipa manan mihis Fitun Estudante (FIEL) FC ho rezultadu skore 1-0.

Jogu entre ekipa rua ne’e hanesan jogu kontinuasaun LFTL époka 2021 ne’ebé hala’o iha sesta (05/11), iha Estádiu Munisipál Dili.

Golu ne’e Ezaquel prodús iha minutu 41, bainhira kontra no atake ba malu entre ekipa rua no rezulta duni golu ne’ebé guarda rede FIEL Bendito Vila Nova (20) labele salva.

Golu ne’e mak hanesan golu uluk no ikus iha minutu 90 nia laran bainhira jogu hahú too termina jogu, laiha tan golu ruma mak akontese, maski minutu lima adisionál hodi komplete minutu 95, maibe laiha golu, nune’e vitória hela nonok ba Marca nia liman.

Tabele Klasifikasaun provizoriu LFTL.Imajen/Espesial

Maski, ekipa Marca manán, maibé laiha ona kbiit atu ultrapasa ba primeira divizaun tanba iha grupu A lidera tabela klasifikasaun ho pontu hitu hanesan Academica FC no FC Porto Taibessi.

Alende ekipa rua ne’e iha mós ekipa Zebra ne’ebé okupa kedan iha pozisaun da-tolu ho pontu haat, iha ne’ebé Marca okupa iha pozisaun da-haat ho pontu tolu, enkuantu FIEL okupa iha pozisaun ikus liu ho pontu ida.

Jogu ne’e dirize hosi árbitru Romario Teti, jiuz liña Filomeno da Silva, Pedro Braga no árbitru rezerva Henrique Pereira.

Jornalista : Hortencio Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here