Pesoál Saúde prepara vasina Pfizer hodi fó ba estudante Eskola Cristal, sesta (05/11). Imajen TATOLI/António Gonçalves

DILI, 5 novembru 2021 (TATOLI)— Diretór Ezekutivu Servisu Autonómu Medikamentu no Ekipamentu Saúde, Santana Martins, informa stoke vasina AstraZeneca ne’ebé iha armazein hamutuk vial 15.225.

“Hosi totál ne’e, vasina ne’ebé atu espiradu iha loron 9 novembru hamutuk vial 3.760, ne’ebé ita halo ona distribuisuan ba munisípiu sira. Agora iha stoke seluk ne’ebé mak sei espiradu iha loron 30 novembru hamutuk 11.465 vial ne’ebé ita kontinua halo hela distribuisaun,’’ Diretór Ezekutivu SAMES informa ba Agência TATOLI iha knaar fatin, Kampu Alór-Dili, sesta ne’e.

Notisia Relevante: Vasina Pfizer doze dahuluk atinje ona 3.8%

SAMES distribui vasina balun ba munisípiu sira, maibé laiha fatin atu rai, ne’ebé sira lori filafali mai iha armazein hanesan munisípiu Ermera hamutuk vial 5.030.

“Ita halo re-distribuisaun  ba iha Servisu Saúde munisipál  Baucau hamutuk vial 1.000 Manatuto vial 300, Dili vial 500, Manufahi vial 150, Covalima vial 200 no Aileu vial 100,’’ nia informa.

Alende ne’e vasina Pfizer daudaun ne’e iha vial 14.594 no doze hamutuk 87.564 iha  armazein no  iha zeleira  ultra malirin iha SAMES no distribui ona  ba iha munisípiu Dili hamutuk vial 2.176.

Populasaun elijível tinan 18 ba leten, ne’ebé simu ona vasina to’o iha loron 5 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (82,7%) no kumulativu 2ª doze iha Dili (73,8%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 74,7% no simu ona doze daruak 48,8%.

Nune’e, hahú 21 marsu 2020 to’o 5 novembru 2021 iha kumulativu kazu konfirmadu 19.795, kumulativu rekuperadu 19.665 no kumulativu óbitu 122.

Notisia Relevante: COVID-19: kazu pozitivu ida, rekuperadu sia no ativu ualu

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here