Sekretáriu Estadu Kooperativa, Elizário Ferreira. Imajen TATOLI/Francisco Sony

DILI, 05 novembru 2021 (TATOLI)—Sekretária Estadu Kooperativa (SECoop) lideradu Elizário Ferreira prevee $4,605,547 iha Orsamentu Jerál Estadu (OJE) 2022.

Sekretária Estadu Koperativa, exersisíu kompeténsia responsavél ba promosaun no fortalesimentu ba setór ekonomia sosiál, mediante aprofunda kooperasaun entre Estadu no organizasaun integra setór koperativu ho objetivu estimula potensiál servisu dezenvolvimentu sosiu ekonómiku iha país (Artigo 2º do Decreto-Lei 22/2019, de 31 de julho).

“Iha OJE 2022, SECoop prevee millaun $4.6 foku ba fortalesimentu institusionál, movimentu koperativa, formasaun koperativa, estabelesimentu koperativa, joven feto-mane oinsá hola parte iha koperativa no merkadu ba produtór sira,” Elizário Ferreira hateten ba jornalista sira hafoin halo audénsia públika ho Komisaun D Parlamentu Nasionál iha Parlamentu Nasionál, sesta ne’e.

Iha OJE 2022, SECoop prevee $4,605,547 hodi aloka ba saláriu vensimentu $684,394,  bens servisu $2,371,153, kapitál menór $50,000,  kapitál dezenvolvimentu laiha, transferénsia públika $1,500,000, no hosi orsamentu ne’e hodi finansia ba programa rua (2), sub-programa tolu  (3) no atividade 14.

Programa dezenvolvimentu rurál no urbanu sei gasta $ 2,514,024 no pograma boa governasaun no jestaun instituisionál sei gasta $ 2,091,523. Programa ho kódiku 028, dezenvolvimentu rurál no urbanu ho objetivu médiu prazu aumenta númeru empregu liuhosi estabelesimentu koperativa.

Programa hirak ne’e ho sub-programa promove no estabelese koperativa ho ninia atividade mak dezenvolve kapasidade rekursu umanu koperativa, apoiu koperativa produsaun integradu, promove dezenvolvimentu estratéjiku kooperativa, apoiu estabelesimentu sentru dezenvolvimentu koperativa, porporsional asesu finansiamentu no seguru risku hosi koperativa, reforsa no konsolida juventude iha área koperativa.

Programa ho kódiku 510 boa governasaun no jestaun instituisionál ho objetivu médiu prazu konstrui konfiansa Governu, ho ninia sub-programa rua no atividade ualu.

Entretantu, iha audiénsia públika ne’e, SECoop relata mós ezekusaun Orsamentu Jerál Estadu (OJE) 2021 ne’ebé atinje ona 71%.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here