DILI, 28 outubru 2021 (TATOLI)– Kombate no mitiga propagasaun surtu Covid-19 iha Timor-Leste, nu’udar kompromisu ida husi Governu Konstitusionál da-ualu, lideradu husi Primeiru-ministru, Taur Matan Ruak. Tanba ne’e, alende hetan doasaun oioin husi parseiru dezenvolvimentu sira, Governu liuhusi desizaun Konsellu-ministru aprova projetu deliberasaun ida iha kuarta, loron 14 jullu 2021 hodi sosa vasina prevensaun Covid-19 ho marka Pfizer ba sidadaun sira ho idade 18 mai karaik. Depois aprovasaun, Governu liuhusi Komisaun Interministeriál ba elaborasaun no koordenasaun ezekusaun planu vasina Covid-19 halo aprezentasaun iha reuniaun Konsellu-ministru kona-ba mekanizmu implementasaun vasina Pfizer. Komisaun ne’e lidera husi Vise-primeiru-ministru, Armanda Berta dos Santos, ne’ebé kompostu husi Ministra Saúde, Odete Maria Freitas Belo, inklui ministériu relevante sira seluktan. Tuirmai, iha loron 27 outubru ne’e, Ministériu Saúde liuhusi Servisu Saúde munisípiu Dili, hahú halo vasinasaun ho tipu vasina Pfizer ba estudante ho idade husi 12 to’o 17 iha eskola neen iha Dili, kapitál Timor-Leste nian.

Produsaun Tatoli, I.P @2020

PUBLISIDADEiklan

HAKEREK NO HATÁN

Please enter your comment!
Please enter your name here