Pesoál Saúde fó vasina Pfizer ba estudante Eskola Cristal, sesta (05/11). Imajen TATOLI/António Gonçalves

DILI, 05 novembru 2021 (TATOLI)—Ho kolaborasaun entre parte eskola no inan-aman, provizoriamente estudante hosi Eskola Ensinu Báziku Cristal terseiru siklu hamutuk na’in-404 simu ona vasina Pfizer.

Pesoál Saúde fó vasina Pfizer ba estudante Eskola Cristal, sesta (05/11). Imajen TATOLI/António Gonçalves

Diretór Eskola Ensinu Báziku Cristal, Fernando Mesquita, hateten, molok fó vasina ba estudante sira, inan-aman tenke prienxe fixa konkordánsia, katak aseita oan sira atu simu vasina, ne’ebé bainhira la aseita no la prienxe formuláriu ne’ebé Ministériu Saúde prepara, entaun oan sira labele simu vasina.

“Ita sei informa ba parte saúde, atu nune’e bele foti desizaun ruma, karik inan-aman lakohi prienxe formuláriu, oan sira sei labele simu vasina,” Diretór eskola dehan ba Agência TATOLI, iha ninia knaar fatin, Balide, sesta ne’e.

Pesoál Saúde prepara vasina Pfizer hodi fó ba estudante Eskola Cristal, sesta (05/11). Imajen TATOLI/António Gonçalves

Vasinasaun Pfizer ba estudante iha Eskola Cristal ne’e sei hala’o durante loron-rua, hahú ohin to’o aban (05-06 novembru), maibé dadus detallu seidauk hatene estudante na’in hira mak sei simu vasina tanba atividade sei kontinua aban.

Enkuantu, estudante terseiru siklu, João do Carmo, hateten, molok simu vasina nia ta’uk tanba rona informasaun barak katak vasina bele hamate ema no kria fali moras komplikadu iha ema-nia isin.

Pesoál Saúde fó vasina Pfizer ba estudante Eskola Cristal, sesta (05/11). Imajen TATOLI/António Gonçalves

“Maibé ho korrajen família nian, nia konsege simu duni vasina. Ha’u simu hotu vasina no parte médiku sira husu ha’u tenke deskansa minutu 30 atu sira bele observa ha’u nia kondisaun, maibé laiha buat ida. Ha’u sente hakmatek no di’ak loos,” nia dehan.

Iha sorin seluk, Reprezentante inan-aman hosi estudante, Abel Amaral Mendonça, deklara, nia rasik aseita oan sira simu vasina tanba hakarak prevene sira hosi moras perigu hanesan COVID-19, atu nune’e oan sira bele iha imunidade hodi satan moras.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here