Administradór Munisípiu Covalima, Francisco de Andrade. Imajen Tatoli/Celestina Teles.

COVALIMA, 05 novembru 2021 (TATOLI)—Administradór Munisípiuu Covalima, Francisco de Andrade informa, nia parte hasai ona karta sirkulár hodi husu ba Servisu Saúde Covalima (SSC) ho polisia Nasional Timor-Leste (PNTL) Covalima atu verifika kartaun vasina iha banku bainhira sidadaun sira atu simu osan.

Notísia Relevante: Administradór Covalima hasai despaixu verifika kartaun vasina iha pontu entrada

Foin lalais ha’u haruka ona karta ba banku sira iha munisípiu Covalima, ba Diretór Servisu saúde Covalima, komandante PNTL Covalima, ba grupo kooperativa sira-ne’ebè fó kreditu ba komunidade sira-ne’e, ha’u orienta sira atu labele fó osan ba benefisiáriu sira bainhira identifika katak sira laiha kartaun vasina,” Francisco de Andrade hateten ba Agência Tatoli, iha nia knaar fatin, sesta ne’e.

Administradór ne’e orienta ona pesoál saúde no seguransa atu destaka iha banku, nune’e bele verifika kartaun vasina bainhira sidadaun sira atu simu osan. Se laiha kartaun vasina, funsionári banku labele halo atendementu. 

“Ha’u hasai karta ne’e ho objetivu atu ita-nia sidadaun sira tenke vasina. Bainhira to’o iha banku laiha kartaun kinur sei la halo atendementu no haruka sira fila ba uma,” nia dehan. 

Antes ne’e, pesoál saúde hamutuk ho seguransa verifika no check point iha pontu entrada, iha fatin públiku sira nomós tama-sai uma hodi buka sidadaun sira iha sira-nia uma atu fó vasina.

“Ita hotu akompañia, foin lalais diskursuu hosi Primeiru-Ministru, Taur Matan Ruak, husu veteranu, idoz, benefisiáriu bolsa da mãe, bainhira laiha kartaun vasina, sei lá fó no la simu osan,” nia dehan.

Bazeia ba dadus hosi Sentru Integradu jestaun krize taxa kobertura, vasinasaun iha nivel nasional ne’e, munisípiu Covalima atinje ona 82,9%. 

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here