Vasina Pfizer.Imajen TATOLI/António Gonçalves

DILI, 04 novembru 2021 (TATOLI)— Ministériu Saúde liuhosi Diretór Jerál Serbisu Koorperativu, Marcelo Amaral, informa, semana ne’e, submete dokumentu profisonál saúde liña frente ba Ministériu Finansa hodi prosesa pagamentu suplementu remuneratóriu.

“Loloos ita submete ona iha outubru, maibé presiza hadi’a no verifika dokumentu balun tuir kategoria, ne’ebé besik atu finaliza hodi haruka ba Ministériu Finansa, iha semana ne’e,’’ Diretór Jerál ne’e, hateten iha kna’ar fatin Palasiu Sinzas, Caicoli, kinta ne’e.

Notísia Relevante: Fulan ne’e, MS submete lista liña frente ba MF

Tuir lista profisionál saúde ne’ebé hetan direitu pagamentu suplementu remuneratóriu hamutuk 8.000.

Tuir dekretu lei, profisionál Saúde ne’ebé halo atendimentu direta ba pasiente sira iha izolamentu no kuarentena mak loron ida hetan $25.

Nia esplika, dokumentu profisionál saúde hosi munisípiu no ospitál-sira balun seidauk loos hanesan númeru IBAN no balun seidauk vasina kompleta.

“Iha semana ne’e, ita haruka ona ba Ministériu Finansa hodi halo pagamentu ba profisionál saúde sira ne’ebé mak dokumentu loos ona no vasina kompletu ona,” nia promete.

Entretantu, Ministériu Finansa (MF) liuhosi Sekretariadu Tékniku Fundu COVID-19, halo ona pagamentu liña frente hamutuk 449, hosi sala situasaun, Sentru Integradu Jestaun Krize (CIGC,sigla Portugés), ho montante $322.925, ba períodu fulan-fevereiru to’o marsu 2021.

MF halo pagamentu ba pesoál liña frente, Políia Migrasaun hamutuk 143, ho montante $158.790, ba períodu fulan-marsu to’o juñu 2021. Nune’e mós, halo ona pagamentu suplementu remuneratóriu liña frente ba Polisia Nasionál Timor-Leste ho montante millaun $3,1.

Notísia Relevante: MF halo pagamentu suplementu remuneratóriu ba liña frente Polísia Migrasaun

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here