Komunidade sira iha Viqueque selebra loron Finadu. Imajen Tatoli/Vitorino Lopes da Costa.

DILI, 04 novembru 2021 (TATOLI)— Portavóz Polísia Nasionál Timor-Leste (PNTL), Superintendente Xefe Arnaldo de Araújo, informa, durante selebrasaun loron finadu iha loron 02 novembru situsaun iha territóriu nasionál la’o normál.

“Durante loron finadu, situasaun jerál iha territóriu nasionál la’o normál, maski iha asidente balun mosu,” Portavóz PNTL ne’e, hateten ba jornalista sira iha Komandu Jerál PNTL Caicoli, kinta ne’e.

Notísia Relevante: Finadu, nu’udar kustume kesi-metin jerasaun ba jerasaun

Tanba, nia esplika durante selebrasaun finadu komunidade sira foku de’it ba iha misa no tau ai-funan ba iha rate-sira.

“Ita la haree problema bo’ot akontese, maski iha problema ki’ik balun akontese, maibé ita nian membru PNTL tenta hakalma,” nia akresenta.

Antes ne’e, iha loron 01 novembru, akontese kazu onkum Polísia Ofisiál Suku ho inisiál FC, ne’ebé deskonfia tiru mate joven ida MC ho idade 21 no joven ida kanek-todan DSMF iha suku Samalari, postu administrativu Baucau Vila, Munisípiu Baucau.

Hafoin kazu ne’e akontese PNTL Baucau detein kedan suspeitu ne’ebé denskonfia tiru mate joven ida no joven ida kanek todan ba sela detensaun no halo kedan investigasaun hodi submete ba Ministériu Públiku.

Joven na’in-rua ne’e deskonfia tiru hosi ajente PNTL, iha loron segunda, 01 novembru, maizumenus tuku 9:00, kalan, bainhira mosu konfrontu entre grupu juventude iha suku Samalari.

Notísia Relevante: PNTL aprezenta kazu oknum polísia deskonfia tiru joven na’in-rua ba MP

Jornalista : Natalino Costa

Editór      : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here