Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Egas Cristovão

DILI, 04 novembru 2021 (TATOLI)—Prezidénsia Konsellu Ministru (PCM, siglá portugés) lideradu Fidelis Manuel Leite Mangalhães, propoin $4,717,347 iha Orsamentu Jerál Estadu (OJE) 2022 hodi finansia programa boot rua.

“Iha OJE 2022, PCM propoin millaun $4-resin hodi finansia nia programa reforma Estadu no boa-governasaun no jestaun instituisionál,” Fidelis Manuel Leite Mangalhães hateten ba Agência Tatoli hafoin halo audiénsia públika ho Komisaun A Parlamentu Nasionál, iha Parlamentu Nasionál, kinta ne’e.

Programa ho kódiku 029, reforma Estadu sei gasta $405,188 no programa ho kódiku 510, boa-governasaun no jestaun instituisionál sei gasta $ 4,312,159.

Programa reforma Estadu ho nia objetivu médiu prazu (outcome) administrasaun públika efisiénte no transparante.

Governante ne’e hateten, programa reforsa Estadu sei iha inisiativa barak liu-liu foku iha desburokratizasaun, apoiu sira inisiativa lejislativa Governu nian no hadi’a fali melloramentu lejislativu sira.

Prezidénsia Konsellu Ministru (PCM, siglá portugés) hanesan departamentu sentrál Governu iha misaun, presta apoiu ba Konsellu Ministru no Primeiru-Ministru, promove koordenasaun interministeriál ba Governu hanesan prosedidmentu lejislativu Governu (Artigo 2º do Decreto-Lei n.º 16/2018, de 12 de dezembro).

Tuir dokumentu livru 2 planu asaun annuál OJE 2022, PCM prevee $4,717,347 hodi aloka ba saláriu vensimentu $551,540, bens servisu $4,165,807, ba kapitál menór, kapitál dezenvolvimentu no transferénsia públika laiha.

Hosi orsamentu ne’e, sei finansia ba programa rua no sub-programa ualu (8) ho atividade 32.

Programa sira-ne’e, ho nia sub-programa reforma administrativa nia atividade planu desburokratizasaun administrasaun públika, atividade apoia servisu no orgaun administrasaun efisiénsia prosedimentu, elabora proposta revizaun polítika nasionál fortalesimentu institusionál, elaborasaun proposta prosedimentu komunikasaun instituisionál.

Ba programa boa-governasaun no jestaun instituisionál ho objetivu médiu prazu konstrui konfiansa Governu, ho nia sub-programa boa-governasaun no nia atividade planeamentu dezenvolvimentu estratéjiku no orientasaun polítika, inspesaun fiskalizasaun no auditoria.

Sub-programa jestaun instituisionál nia atividade jestaun finanseira administrasaun no lojístika, jestaun patrimóniu no seluk tán.

Sub-programa parseria ho atividade kooperasaun no parseria no sub-programa apoiu ba Primeiru-Ministru iha koordenasaun Governu no Prezidénsia Konsellu Ministru ninia atividade mak apoiu Primeiru-Ministru no koordenasaun Governu, reprezentasaun Konsellu Ministru no Primeiru-Ministru, koordenasaun Prezidénsia Konsellu Ministru.

Sub-programa governasaun legál Konsellu Ministru ninia atividade koordenasaun apoiu konsulta jurídika Konsellu Ministru, koordensaun prosedimentu lejíslativu no regulamentu Governu, ezekusaun polítika Governu iha matéira reforma lejíslativa ho seluk tan.

Sub-programa prestasaun servisu tradusaun no sub-programa komunikasaun estratéjika Governu no promosaun sidadania ho nia atividade elaborasaun no desiminasaun atividade Governu, monitorizasaun imprensa ho sira seluk.

PCM aprezenta ba OJE 2022 ho estimativa forsa traballu funsionáriu 116 (mane 73, feto 43), inklui funsionáriu 16 ho kargu dirasaun no xefia, hosi efetivu sira-ne’e la inklui funsionáriu nomeasaun polítika.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here