Ministru Edukasaun, Juventude no Desportu, Armindo Maia. Imajen TATOLI/Francisco Sony

DILI, 04 novembru 2021 (TATOLI)–Ministériu Edukasaun, Juventude no Desportu (MEJD) to’o terseiru trimestrál tinan ne’e konsege ezekuta ona Orsamentu Jerál Estadu (OJE) 2021 hamutuk 63%.

Orsamentu MEJD tinan ne’e hamutuk $111.478.459, ne’ebé aloka ba saláriu no vensimentu $61.628.121, transferénsia públika $23.188.556, bens no servisu $16.650.131, kapitál menór $2.995.700 no kapitál dezenvolvimentu $7.015.951.

Ministru Edukasaun, Juventude no Desportu, Armindo Maia, otimista ezekusaun kategoria transferénsia públika ba infraestrutura edukativa no kapitál menór iha fulan ikus tinan ne’e bele kontribui ezekusaun to’o 80%

“Ha’u-nia espetativa molok tinan ne’e ramata, iha dezembru ita-nia ezekusaun orsamentu 2021 bele atinje 90% tanba agora ita iha ona 63%, hafoin aumenta tan ho transferénsia publika no kapitál menór, ita sei bele aselera ezekusaun ne’e,” Ministru dehan iha resintu Parlamentu Nasionál, hafoin audiénsia públika, kinta ne’e.

Aleinde ne’e, governante ne’e garante komisaun G ne’ebé trata asuntu Edukasaun, Kultura, Juventude, Desportu no Sidadania, sei defende orsamentu ne’ebé aprezenta no bele konvense deputadu seluk.

Jonalista : Tomé Amado

Editora    : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here