Administradór postu Ossu, Agostinho de Sousa. Imajen TATOLI/Vitorino Lopes da Costa

VIQUEQUE, 04 novembru 2021 (TATOLI)--Administradór postu Ossu, Agostinho de Sousa, informa, implementasaun programa ‘mão de obra’ iha rejiaun ne’e atinji ona 50%.

“Programa maõ de obra ne’ebé Governu implementa ba populasaun iha suku hodi halo rekuperasaun ekonómika tanba envolve komunidade lokál,” Autoridade postu hateten ba Agência TATOLI, iha administrasaun Viqueque, kinta ne’e.

Orsamentu ba programa ne’e hamutuk $50.000, ezekuta ona 20% no programa ne’e implementa iha suku sanulu iha postu Ossu.

“Programa ne’e implementa ona iha suku sanulu, iha suku hitu halo ona pagamentu, enkuantu suku balun ne’ebé seidauk halo pagamentu ami sei hein relatóriu hosi suku hodi relata mai postu maka foin halo pagamentu,” nia akresenta.

Suku Builo, Nahareka no Uaibobo implementa ona, maibé prosesu pagamentu maka seidauk.

“Programa ne’e benfisia tebes ba populasaun, tanba iha ámbitu pandemia nia laran, bele serbisu iha suku hodi komunidade bele hetan osan. Abitante barak iha postu Ossu maka asesu ba serbisu mão de obra, ne’ebé númeru benifisiáriu totál ha’u ladún hatene, maibé kada grupu ida iha ema na’in-10, iha suku 10 iha Ossu,” nia dehan.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here