Pesoál Saúde Musinispiu Aileu halo rejistu kartaun vasina molok tuir vasinasaun. Iha Postu Administrativu Lekidoe, Suku Betulau, sabadu (09/10). Imajen Tatoli/Francisco Sony

COVALIMA 30  outubru 2021 (TATOLI) — Servisu Saúde Covalima (SSC) hamutuk ho Polísia Nasionál Timor Leste (PNTL), pasa-revista kartaun kinur iha markadu tanba abitante hela 12% seidauk simu vasina.

“Servisu Saúde Covalima pasa-revista kartaun kinur iha merkadu tanba abitante Covalima falta  de’it 12% maka seidauk vasina. Ita atu identifika ema sira-ne’e defísil tebes. Entaun  ita atu identifika abitante ne’ebè maka seidauk vasina di’akliu iha merkadu,” Diretòr Servisu Saúde Munisípiu Covalima Filipe Pereira Lemos informa ba Agência TATOLI, iha markadu  Suai, sábadu ne’e. 

Pasa-revista ne’e hala’o iha merkadu Suai bazea ba orientasaun hosi  Administradór Munisípiu Covalima nune’e sidadaun ne’ebé atu tama merkadu laiha kartaun kinur haruka fila.

“Ita-nia komunidade balun la simu maibé maneira ne’ebè ita halo atu hasa’e ita-nia taxa kobertura vasinasaun iha Covalima, atu komunidade sira livre hosi Covid-19,” nia hateten.

Abitante Fernando Tavares, informa, husu sidadaun sira-ne’ebé seidauk simu vasina tenke koopera ho ekipa saúde nune’e luta kontra propagasaun surtu COVID-19.

“Hakarak ka lakohi seguransa hamutuk ho pesoál saúde sira tenke check lartaun kinur  iha merkadu tanba sira hakarak ita livre hosi Covid-19,” nia haktuir. 

Jornalista         : Celestina Teles

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here