Imajen/ Espesial

DILI, 29 outubru 2021 (TATOLI)— Ministériu Saúde liuhosi Diresaun Nasionál Farmasia no Medikamentu realiza semináriu nasionál hodi atualiza ba klínika privada no farmásia privada atu kumpre lejislasaun regulatória ba produtu no lisensiamentu atividade farmásia iha Timor-Leste.

“Ita hala’o semináriu hodi fó hanoin filafali ba importadór aimoruk hotu-hotu atu kumpre lejislasaun ka regra hodi hetan lisesna hosi Ministériu Saúde,’’Xefe Departamentu Jestaun Autorizasaun no Introdusaun Merkadu, iha Ministériu Saúde, Teodoro Marçal de Jesus, hateten ba jornalista iha Palasiu Sinzas, Caicoli, tersa ne’e.

Notísia Relevante: MS halo workshop kona-ba koordenasaun no harmonizasaun produtu farmaseutíka

Ministériu Saúde rejista Kompaña ne’ebé hala’o atividade farmásia hamutuk 11, kompostu klínika privadu Foho Osan Mean, Istana Farmasia, Moris Foun, Bethesda Husada, Stamford Medical, importadór aimoruk Armagest, Melia Herbal, Noiboe, Proargy SW, Kura Hao no Acibee AIM.

Nia dehan produtu medikamentu ne’ebé atu importa mai iha Timor-Leste tenke iha autorizasaun no kumpre regra no rejistu inklui hetan lisensa operasionál hosi Ministériu Saúde liuhosi Diresaun Nasionál Farmásia no Medikamentu.

“Ministériu Saúde  bele kontrola  kualidade tanba produtu ne’ebé mak tama tenke iha kualidade atu komunidade  konsumu l bele afeta ba saúde ,’’  nia akresenta.

Tuir lei aimoruk tama iha portu tenke selu item ida $100 no prense kritériu, kuandu laiha sei hetan koimna ka selu ho $50.000 to’o $100.000. Nune’e mós la prense kritéria bázika, ministériu fó xama atensaun bele mós taka sira nia negósiu,  

Iha biban hanesan, Xefe Departamentu  Operasaun Autoridade Aduaneiru/ Alfandega, Valente Antonio Freitas Araujo, informa koopera ho MS atu halo inspesaun ba médikamentu ne’ebé mak tama hosi rai seluk atu rejistu tanba la rejistu  AA/alfandega la autoriza tama territóriu nasionál.

“Prosesu aimoruk ne’e Ministériu saúde mak responsabiliza, Ami husu mak produtu sira ne’e legál ka lae no kontrola de’it nia kuantidade no presu atu selu taxa ba Estadu,’’ nia afirma.

Notísia Relevante: Klínika-Farmásia Tenke Kumpre Regulamentu

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here