Edifisiu Tribunál Rekursu. Imajen/Espesiál

LIQUIÇA,29 outubru 2021 (TATOLI)– Tribunál Rekursu (TR) hetan alokasaun Orsamentu Jerál Estadu (OJE) 2022 ho monante $7,091,187 atu finansia programa tolu no sub-programa 10 no atividade 13.

“Alokasaun orsamentu ba Tribunál-sira atu finansia programa tolu, hanesan,  hakbesik serbisu Tribunál ba populasaun, asesu Justisa no boa governasaun,” Reprezentate Prezidente TR, Juiza Konselleira Natércia Gusmão,hateten, iha ámbitu semináriu Panaroma Orsamentál 2022, iha Tibar-Liquiça, sesta ne’e.

Hosi totál orsamentu $7,091,187 ne’ebé fahe ba kategoria, $3,606,288 ba saláriu no vesimentu, $2,602,899 ba sasán no servisu 2,602,889 no $882,000 ba kapitál Dezenvolvimentu.

Tuir nian, TR iha proposta inklui ona dotasaun ida ho $900.000 ba kapitál menór ne’ebé destina ba akizasaun materiál informatika no mobiliariu, maibé parte Governu la aseita iha proposta OJE 2022.

Programa prioridade tolu

Programa dahuluk ho kódigu 171 kona-ba hakbesik serbisu tribunál ba populasaun sira ho totál orsamentu $4,807,008 ne’ebé koloka ba saláriu no vensimentu $3,606,288 no kapitál dezenvolvimentu ho montante $882,000.

Daruak, programa ho kódigu 392 kona-ba asesu justisa ho totál orsamentu $141,620, ne’ebé koloka iha kategoria sasan no servisu $141,620.

Ikus liu, programa kodígu 510 kona-ba Boa Governasaun totál orsamentu $2,142,559 ne’ebé koloka mós iha bens no servisu $2,142,559.

Funsionáriu Tribunál Rekursu (TR) ba 2022, iha estimativa forsa traballu iha rejime jerál 116, kompostu feto 38 no mane 78. Enkuantu rejime espesiál kontra totál 155, kompostu hosi feto 46 no mane 109.

Nune’e forsa traballu hamutu 271, kompostu feto 84 no mane 187, ho funsionáriu 10 asume kargu xefia diresaun no xefia númeru ezistente.

Notísia relevante:  MPM prioritiza polítika investimentu fundu petrolíferu iha 2022

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here