Prosesu deskargamentu mina ba sentrál elétrika Betano. Imajen/Timor GAP

LIQUIÇA, 28 outubru 2021 (TATOLI)– Prezidente Konsellu Administrasaun Timor Gás no Petróleu, Empreza Públika (Timor-GAP, E.P), António José Loiola, hateten, hanesan kompañia estatál iha misaun atu hala’o dezenvolvimentu rekursu petróleu hodi hatama reseita ba kofre Estadu.

“Timor-Gap fó prioridade dezenvolve riku-soin Timor -Leste liuliu área petróleu, nune’e bele hatama fila fali osan ba Estadu atu fó impaktu signifikativu ba povu nia moris,” Prezidente Timor-GAP, hateten iha semináriu panorama orsamentál 2022, iha Tibar-Liquiça, kinta ne’e.

Nune’e, Orsamentu Jerál Estadu (OJE) 2022, Timor Gap ho totál pakote $34,700,000.00 no halo mós proposta adisionál hamutuk $300,000,000,00, nune’e totál osan ba Timor-GAP sa’e ba $64,700,000,00.

Programa dezenvolvimentu Downstream no Upstream

Alakosaun orsamentu iha Upstream, $13,384,860 ba dezenvolvimentu Greater Sunrise, re-dezenvolvimentu kampu Bayu Undan $2,275,460, investimentu onshore $11,042,460, presta servisu upstream $2,007,720, investimentu iha onshore block A no C $2,007,720, investimentu offshore block (PSC 15-01) $2,676,960. Investimentu iha PSC 19-16 $2,676,960, investimentu iha PSC 19-11 $2,676, 960 no investimentu iha IOR/EOR $669,240.

Enkuantu, iha parte downstream kona-bá fornesimentu kombustivél ba Eleticidade de Timor-Leste (EDTL) ho orsamentu $3,346, 200, estudu no konstrui portu importasaun petróleu $1,338, 480, estudu no investimentu ba planta importasaun LNG $13,38,480, dezenvolve postu abastesimentu kombustivél $1,338,480, planta refenária no petrokímiku Estadu komersiál $200,772, TLNG Beaço asementu impaktu ambientál kapasitasaun $669,232 no presta servisu $334,620.

Alende ne’e, iha parte projetu Tasi-mane ho orsamentu hanesan portu baze apoia lojístika Suai Supplay Base $2,676,960, Aeroportu Suai $669,240, planta refenária Betano monitorizasaun no kontrolu propriedade $334,620, planta LNG Beaço levantamentu dadus $334,620.

Nune’e mós, parte dezenvolvimentu instituisaun no rekursu umanu mak hanesan hametin instituisaun no kapasitasaun $12,700,000.

Jornalista : Hortencio Sanchez

Editór      : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here