Uma Kbiit-Laek. Imajen/Espesiál

COVALIMA, 29 outubru 2021 (TATOLI)—Diretór Programa Nasionál Dezenvolvimentu Suku (PNDS) Covalima, Filipe Cardoso, informa PNDS realiza enkontru koordenasaun mensál ho tékniku PNDS sira hosi postu administrativu hitu (7) hodi diskute kona-ba progresu no planu asaun anuál no progresu konstrusaun Uma Kbiit Laek iha munisípiu Covalima. 

Notísia Relevante: Konstrusaun UKL iha Covalima foin atinje 18,30%

“Enkontru koordenasaun mensal ne’e hala’o ho objetivu atu atualiza progresu implementasaun  projetu no konstrusan Uma Kbiit Laek (UKL), programa PNDS regulár  no aprezenta progresu no planu  asaun  anuál  fulan novembru nian,” Diretór PNDS Covalima, Filipe Cardoso, informa ba Agência Tatoli, iha salaun administrasaun Covalima, sesta ne’e. 

Progresu implementasaun iha postu administrativu hitu (7) hanesan konstrusaun ‘Uma Kbiit Laek’ tipu 37 no 48 ne’ebè implementa atinje ona 50% no implementasaun PNDS regulár balun 40% no balun 20%.

Notísia Relevante: Governu hahú ona konstrui “Uma Kbiit Laek” 1.254 iha territóriu nasionál

Durante implementasaun programa PNDS regular no UKL, hasoru dezafiu mak presu materiál konstrusaun menus no presu aas, maibé ekipa PNDS kontinua esforsu hodi aselera implementasaun programa PNDS regulár no Uma Kbiit Laek (UKL) iha postu administrativu hitu (7) iha munisípiu Covalima. 

“Sekretáriadu PNDS Nasionál hasai ona sirkulár 006 ho objetivu atu fasilita fornesedór hodi kompra materiál direta. Ekipa jestaun suku, sosa direta materiál konstrusaun ne’ebè mak Timor-Leste presiza. Tekniku postu administrativu no enjineiru munisípiu hodi identifika materiál konstrusaun ne’ebè baratu atu guia ita-nia ekipa sira atu sosa hodi bele aselera implementasaun programa PNDS,” nia dehan. 

Implementasaun programa PNDS regulár siklu 1 to’o 3 implementa programa bazea ba nesesidade povu sira-nian hanesan haree ba edukasaun, sanamentu no seluk tán.

Notísia Relevante: PNDS halo ona reabilitasaun sede suku 10 iha Covalima

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here