Ossoala nu’udar suku ida lokaliza iha postu administrativu Vemase munisípiu Baucau,Suku Ossouala kompostu husi aldeia lima hanesan Cai-denulale Hoine-uai Lolinunu Uai-khanasa no Uma-ana iku,Suku ne’e ho nia luan hamutuk 65,14 Km2. Jeografikamente iha aspeitu fronteira Suku Ossouala iha parte leste baliza ho postu administrativu Venilale Baucau parte norte ho Viqueque parte oeste ho suku Loilubu no parte sul ho Vemase no Manatuto. Tuir dadus demográfiku suku Ossoala Totál populasaun suku ne’e nian hamutuk rihun rua atus tolu tolunulu resin sia (2.339) ho Xefe-família, atus lima resin. Populasaun sira iha Ossoala maioria moris nu’udar vida agrikultór hanesan halo to’os natar no haki’ak animál Atividade sira ne’e mak esensiál hodi sustenta sira-nia ekonomia família no refeisaun lorloron nian. Paisajen naturál suku Osoala identiku ho foho no kle’an tanba hale’u husi foho no iha área kle’an Nune’e iha tempu rezisténsia fatin ne’e liman-kro’at no rezistente timoroan sira uza nu’udar fatin estratéjiku hodi halo gerilla kontra okupasaun ilegál Indonézia nian durante tinan 24 nia laran. Bainhira Timor-Leste restaura nia independénsia iha loron 20 maiu 2002 sai nasaun independente ho nia soberania territoriál rasik besik dékade rua maibé infraestrutura bázika hanesan estrada bee moos eletrisidade telekomunikasaun no sira seluktan sei sai preokupasaun ida. Kondisaun infraestrutura bázika sira ne’e sei sai problema ba komunidade suku Ossoala atu dinamiza sira-nia atividade ekonómika hanesan lori produtu lokál ba iha área urbana ba iha merkadu hodi bele fa’an no atividade sosiál sira ne’ebé bele lori sira besik liután ba sosiedade moderna, inklui atividade seluktan iha sira-nia moris lorloron hanesan sidadaun.

Produsaun Tatoli I.P ©2021

PUBLISIDADEiklan

HAKEREK NO HATÁN

Please enter your comment!
Please enter your name here