Benefisiariu sira kona-ba programa Bolsa da Mãe. Imajen/Dok.Mídia MSSI

COVALIMA, 29 outubru 2021 (TATOLI)—Diretòr Ministériu Solidariedade Sosiál no Inkluzaun, Agapito Asis, informa Governu liuhosi Banku Nasionál Comercio Timor-Leste finaliza ona pagamentu subsídiu Bolsa da Mãe ba benefísiáriu iha Covalima.

Notísia Relevante: Governu seidauk finaliza pagamentu benefisiáriu Bolsa da Mãe iha Covalima

Diretór MSSI Munisípiu Covalima, Agapito Asis. Imajen Tatoli/Celestina Teles

“Pagamentu programa ba subsídiu bolsa da mãe, ita finaliza ona iha loron 28 fulan outubru tinan ne’e,” Diretór Agapito Asis hateten ba Agência Tatoli, iha Suai Loro, Covalima, sesta ne’e. 

Maske pagamentu finaliza ona maibé Ministériu Soloidariedade Sosiál no Inkluzaun (MSSI) simu reklamasaun hosi benefísiáriu sira-ne’ebè mak la hetan nia direitu ba subsídiu bolsa da mãe. 

Benefísiáriu na’in hira mak halo reklamasaun, nia informa, MSSI seidauk iha númeru serteza ema na’in hira mak halo reklamasaun, tanba foin mak finaliza halo pagamentu no sei iha prosesu verifikasaun nia laran.  

Diretór ne’e hateten, benefísiáriu sira halo reklamasaun tanba sira balun laiha naran, balun iha naran maibé osan la tama, balun mate ona no balun muda rezidénsia, maibé MSSI kontinua buka solusaun hodi fasilita benefisiáriu sira hodi haruka karta ba BNCTL.

Bazea ba kalendáriu ne’ebè fó sai hosi BNCTL, katak pagamentu subsídiu ba benefisáriu Bolsa da Mãe ne’e hahú hala’o iha 20 setembru no ramata ona iha 27 outubru tinan 2021.

Enkuantu, benefisiáriu Bolsa da Mãe iha Covalima ne’ebé benefisia ba subsídiu ne’e totál hamutuk 3,995. Benefisiáriu sira iha postu administrativu Fatululik hamutuuk 170 ho nia orsamentu $18,900.00, Fatumea 282 ho orsamentu $30.540.00, Fohorem 206 ho orsamentu $25,980.00, Maucatar 611 ho orsamentu $ 73,440.00, Tilomar 473 ho orsamentu $58,440.00, Suai Vila 1152 ho orsamentu $ 119,280.00 no Zumalai hamutuk 1101 ho orsamentu $140,100.00.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here