Instalasaun ekipamentu perfurasaun mina iha área Prizaun Covalima. Imajen Tatoli/Jogerjo Guterres.

DILI, 28 outubru 2021 (TATOLI)—Prezidente Repúblika, Francisco Guterres Lú Olo, husu Governu atu kontinua tau matan hodi akompaña ba prosesu perfurasaun mina iha Suai, munisípiu Covalima.

Notísia Relevante: PM Taur lansa perfurasaun mina iha Covalima

“Prezidente Repúblika akompaña ho atensaun loos no husu Governu atu kontinua servisu hamutuk ho empreza Timor Resources hodi tau matan ba sira-nia atividade petrolífera, hanesan ita hatene envolve mós risku liu-liu ambientál no vida ema-nian,” Primeiru-Ministru, Tauur Matan Ruak, hateten ba jornalista sira hafoin ramata sorumutu ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, Dili, kinta ne’e.

Xefe Governu ne’e hateten, Governu anota no instituisaun Estadu nian ne’ebé envolve iha atividade hanesan Ministeiru Petróleu no Rekursu Naturál, Autoridade Nasionál Petrólelu Minerál (ANPM), Timor Gap hodi tau atensaun.

Durante sorumutu, PM Taur relata mós kona-ba atividade vasinasaun iha territóriu tomak no atividade seluk mak selebrasaun loron proklamasaun independénsia 28 novembru, ne’ebé tinan ne’e sei selebra iha munisípiu Baucau. 

Notísia Relevante: Timor-Leste marka istória dahuluk halo perfurasaun mina iha rai-maran

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here