Povedora PDHJ, Jesuina Maria Ferreira Gomes. Imajen TATOLI/Francisco Sony

VIQUEQUE, 28 outubru 2021 (TATOLI)—Provedoria Direitu Umanu no Justisa (PDHJ, sigla portugés) durante hala’o knaar, identifika funsionáriu instituisaun Ministériu Solidaridade Sosial no Inkluzasaun (MSSI) iha munisípiu Viqueque, hamosu irregularidade durante pandemia tanba la asina lista prezensa iha serbisu fatin.

“Horiseik ekipa PDHJ halo monotorizaun iha edifísiu MSSI Viquque atu haree de’it lala’ok atendimentu ba sidadaun no haree mós prezensa funsiónariu kada loron, ne’ebé deteta mosu irregularidade tanba lista prezensa fulan-outubru funsiónariu sira seidauk asina no mós hosi janeiru to’o setembru 2021 seidauk iha lista, durante pandemia serbisu turnu maibé tenki iha lista prezensa,” Provedora PDHJ, Jesuina Maria Ferreira Gomes, hateten ba Agência TATOLI, iha salaun administrasaun Viqueque, kinta ne’e.

Tuir Provedora, atus asina lista prezensa nu’udar kontrolu, maibé iha MSSI Viqueque hosi loron 01 to’o 25 outubru seidauk asina.

“Ida-ne’e maka irregularidade, tuir loloos funsióriu sira tama dadeer tenke asina no lorokraik asina,” nia akresenta.

Nune’e, Provedora husu Dirijente instistuisaun atu halo kontrolu liután sub-ordináriu sira, liuliu kona-ba lista prezensa.

Biban hanesan, Diretór Servisu Solidaridade Sosiál Viqueque, Geraldo de Carvalho, klarifika, MSSI la kontra irregularidade iha lista prezensa.

“PDHJ mai iha ami-nia fatin duni, so que ha’u-nia Xefe rekursu umanu ba tuir formasaun. Kona-ba lista prezensa ne’e ami asina dadeer no lorokraik sai ami asina,” nia dehan.

MSSI Viqueque daudaun ne’e akumula funsionáriu hamutuk na’in-15.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here