Ministra Saúde, Odete Maria Freitas Belo troka nota entedimentu ho Rreprezentante UNICEF iha Timor-Leste, Bilal Aurang Zeb Durrani no Embaixadór Portugál iha Timor-Leste, José Pedro Maichado Viera, iha salaun Ministériu Saúde Caicoli, kinta (28/10), Imajen Tatoli/Francisco Sony

DILI, 28 Outubru 2021(TATOLI)—Governu Timor-Leste, liuhosi Ministra saúde Odete Maria Freitas Belo ho Embaixadór Portugál iha Timor-Leste,José Pedro Machado Viera no Fundu Nasaun Unida ba Infánsia (UNICEF) asina nota entendimentu atu kontinua fó apoia vasina AstraZeneca no ekipamentu mediku prevensaun COVID-19.

“Ohin, ita asina nota ne’e atu Governu Portugál apoia fazeadamente ekipamentu no vasina AtsraZeneca ne’ebe ekivalente ho osan $125.000 liuhosi Fundu Nasaun Unida ba Infánsia (UNICEF) ba Ministériu Saúde atu halo prevensaun no luta kontra COVID-19,” Ministra Odete Maria Freitas Belo, hateten ba jornalista sira iha Palsiu sinzas Caicoli ohin.

Notísia Relevante: AstraZeneca doze rihun 12 hosi Portugál to’o ona TL

Iha jullu, Governu Portugál liuhosi UNICEF apoia ona ekipamentu prevensaun COVID-19 no AstraZeneca ne’ebé MS distribui ona ba munisípiu sira.

Iha biban ne’e, Embaixadór Portugál iha Timor-Leste, José Pedro Machado Vieira, afirma akordu ne’e nesesáriu iha enkuadramentu kolaborasaun entre Kooperasaun Portuguesa ho UNICEF hodi hola ekipamentu fazeadamente hodi apoia Timor-Leste.

“Materiál no ekipamentu médiku ne’ebé sei entrega ba Minsitériu Saúde, liuhosi kooperasaun Portugál no Timor-Leste hodi responde ba pandemia COVID-19,”Embaixdór Portugál ne’e akresenta.

Entretantu, Governu Portugál apoia ona ekipamentu hanesan oksíjeniu konsentradór 40, maka (kama kiik-oan) unidade 4.000, luvas 12.000 inklui dezinfekta ba seguransa profisionál saúde-sira.

Notísia Relevante: Portugál-Unicef entrega konsentradór oksijéniu 15 ba MS

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here