Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Francisco Sony

DILI, 27 outubru 2021 (TATOLI)—Vise-Ministra Finansa, Sara Lobo Brites, aprezenta Projetu Rezolusaun Governu iha reuniaun Konsellu Ministru (KM) kuarta ne’e, kona-ba alterasaun dahuluk Rezolusaun Governu númeru 31/2020, loron 02 setembru, ne’ebé kria Komisaun Interministeriál ba Reforma Fiskál no Jestaun Finansa Públika.

“Ho Projetu Rezolusaun Governu ne’e, halo alterasaun ba kompozisaun komisaun atu preve membru foun, hanesan membru Governu ne’ebé reponsável ba turizmu, komérsiu no indústria,” Ministru Prezidénsia Konsellu Ministru, Fidelis Manuel Leite Magalhães, informa, hafoin reuniaun ezekutivu iha Palásiu Governu.

Notísia Relevante: Governu kria komisaun interministeriál reforma fiskál no jestaun patromóniu Estadu

Kriasaun ne’e prosede mós ba alterasaun kompozisaun unidade téknika ne’ebé funsiona hamutuk ho komisaun no sub-komisaun interministeriál, atu prevee posibilidade indikasaun ba suplente no prevee posibilidade ba partisipasaun hosi personalidade seluk.

Komisaun Interministerial ba Reforma Fiskál no Jestaun Finansa Públika ne’e hanesan komponente no parte ida hosi reforma Estadu.

“Komisaun koordenasaun akompañamentu reforma sira ne’e maka hanesan sumbriña ida, ne’ebé maka kompostu hosi Primeiru-Ministru koazuva hosi hosi Ministru Prezidénsia Konsellu Ministru, ne’ebé iha polítika fiskál no mós finansa públiku hosi Ministru Finansa, dezentralizasaun mak Ministériu Administrasaun Estatál (MAE) no judisiária nian mak Ministériu Justisa (MJ),” Ministru Fidelis esplika.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here