MINDELO, 25 outubru 2021(TATOLI)-Kompromisu ida husi Governu Konstitusionál da-ualu iha aspetu enerjia mak garante asesu ba fornesimentu eletrisidade, regular no fiável, sai nu’udar direitu báziku no aliserse ba kresimentu ekonómiku iha Timor-Leste (TL). Tanba ne’e, Governu konstitusionál da-ualu ne’ebé lidera husi Primeiru-ministru Taur Matan Ruak ne’e, iha programa fornesimentu eletrisidade define mós katak analiza pontu situasaun iha zona rurál, liu-liu iha área remota, no dezenvolve planu konkretu ida kona-ba eletrifikasaun rurál, inklui liga rede ki’ikoan ba rede nasionál ka oferese fonte enerjia renovável. No, haree fali programa eletrifikasaun nasionál, liuhosi planu ne’ebé uza ona iha anteriór, hodi hadi’a produsaun no distribuisaun eletrisidade iha territóriu tomak no kontinua halo instalasaun no manutensaun ba liña média no baixa tensaun no seluktan. Ho kompromisu ida ne’e, to’o ohin loron, entre suku 452 iha Timor-Leste, suku 373 maka instala ona liña eletrisidade no falta 76. Iha munisípiu Manufahi, iha suku 29 no husi suku sira ne’e suku 16 mak seidauk asesu ba liña eletrisidade.

Produsaun Tatoli I.P @2021

PUBLISIDADEiklan

HAKEREK NO HATÁN

Please enter your comment!
Please enter your name here