Formandu Sentru Dezenvolvimentu Komunitáriu (CDC, sigla portugés) Baucau, hala'o atividade kuda modo (hortikultura). Imajen/Doc. CDC Baucau.

LIQUIÇA, 26 outubru 2021 (TATOLI)– Sentru Formasaun Tibar (SFT) hamutuk ho Konservasaun Internasional iha Timor -Leste (CI-TL, sigla portugés) atribui sertifikadu ba formandu na’in 40 ne’ebé ramata formasaun durante fulan iha área agrikultura, ortikultura, reflorestasaun no prosesamentu adubu ba kuda ai-han.

Juventude na’in-40, kompostu mane na’in-27 no feto 13, ne’ebé mai hosi Leorema, Ulmera, Fahilebu no Lihu ne’ebé pertense ba postu administrativu Railaco, munisípiu Ermera.

hateten, formasaun ba joven-sira hah’u iha fulan hira ba kotuk tanba pandemia Covid-19 mak halo nune’e too ohin loron foin intrega sertifikadu ba joven hirak ne’e.

“Ita atribui sertifikadu ba sira tanba aplika duni saida mak sira simu iha formasaun tanba konsege   kuda modo, Viveiru ai-oan ho meiu ida kapas tebes,” Diretór Sentru Formasaun Tibar, Simão Tito Barreto, hateten ba Agência TATOLI iha aldeia Libaloa, Liquiça, tersa ne’e.

Durante formasaun, nia esplika formadu sira aprende matéria hanesan preparasaun ba rai, utilizasaun adubu hosi rekursu rai, animál nia ten-sira, du’ut-maran, ai-tahan maran, ahuk-desan hodi bele kuda ai-oan sira ho rezultadu ne’ebé di’ak.

Iha biban hanesan, Formandu Nicolau dos Santos Barreto, agardese no apresia tebes formasaun ne’e tanba bele aprende prepara fini no kuda moda.

“Durante fulan ida, ami aprende buat barak kona-ba agrikultura nian liuliu halo adubu ne’ebé duut bele transforma sai ba rai-metan,” nia agradese.

Tuir nia, ramata formasaun sira na’in-40 organiza malu kria grupu hodi kuda modo no ai-horis seluk inklui halo viveiru ai-oan.

Grupu ne’e husu ajuda ba Konservasaun Internasionál ne’ebé konsege apoia materiál, hanesan tanke bee, sanio, mangeira bee, kanuru kiik no boot, ensada, karrosa no seluk.

“Ami organiza malu tau osan hamutuk maka harii, hafoin ami husu fali tulun ba KI sira fó duni apoia to’o ohin loron ami nia atividade la’o di’ak. Ami kuda modo hodi faan ona no ami kosege rai oa osan $120-resin,” nia akresenta.

CI -TL nuudar Agência internasionál ne’ebé harii iha tinan 2009-liu ba no hala’o serbisu iha konservasaun natureza no protesaun biodiversidade.

Antes ne’e, SFT-KI-TL oferese mós formasaun hanesan ba joven hosi parte Leste nain-60 ne’ebé daudaun hala’o atividade ortikultura iha Ira-bere,Viqueque.

SFT iha kompromisu loke nafatin oportunidade ba joven-sira atu aprende kon-ba ba vida agrikultura atubele loke kampu traballu ba an rasik no fó empregu ba ema hodi ajuda dudu dezenvolvimentu país ne’e.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here