Ekipa téknika MOP disemina planu reabilitasaun jardín faról besik área tasi ibun ba estrutura Agência TATOLI, I.P. imajen TATOLI/ Felicidade Ximenes

DILI, 26 Outubru 2021 (TATOLI)— Diretór Nasionál Abitasaun no Urbanizmu, iha Ministériu Obra Públiku (MOP), Manuel da Costa Xavier, hateten, diseminasaun planu reabilitasaun jardín iha área tasi-ibun Faról ba estrutura Agência TATOLI, I.P. 

“Ami halo diseminasaun tanba jardín ne’e baliza ho areadór TATOLI nia, ne’ebé fó hatene molok reabilita hodi  mellora jardín sira sai fatin estasionamentu ba karreta no motór sira, liuliu organiza sidade sai furak iha futuru,” Diretór Nasionál ne’e hateten ba Agência TATOLI, hafoin halo aprezentasaun planu reabilitasaun jardín iha salaun Borja da Costa, faról-Dili, tersa ne’e.

Daudaun, MOP halo aprosimasaun téknika no dezeñu hodi halo diseminasaun ba kada insitutisaun sira hanesan, Agência TATOLI, I.P, Komisaun Anti Korrupsaun (CAC, sigla Portugés), USAID, Rezidénsia José Ramos Horta, Ministériu Turizmu, Komérsiu no Indústria (MTKI), Eletricidade de Timor-Leste (EDTL) no Bee Timor-Leste.

Nune’e, tempu badak sei disemina ba autoridade munisípiu sira, hafoin aprezenta Ministru Obra Publika, Salvadór Eugénio Soares dos Reis Pires, halo aseitasaun hodi lori dokumentu ba Ajensia Nasionál Dezenvolvimentu (ADN) halo aprova hodi implementa iha tinan 2022.

MOP prevee orsamentu millaun $1 atu halo reabilitasaun ba jardín iha Faról, Kampu-Alór, Comoro no seluk tan.

“Ita koko indentifika jardín iha potensiál atu hadia, ami halo sosializasaun informasaun ba kada insituisaun atu koordena halo iha reabilitasaun hodi mellora jardín iha kapitál Dili,’’ Nia esplika.

Iha biban hanesan, Prezidente Konsellu Diretivu Agência TATOL, Manuel Pinto, rekomenda reabilitasaun jardín sira presiza koordena ho BTL no EDTL atu bele instala sistema bee no liña eletrisidade.

“Ita halo reabilitasaun jardín atu fresku liután presiza bee no eletrisidade  inklui jardín sira tenke iha funsaun valór istória,   maski pasiva maibé ita koko atu halo mellora liután,’’ Prezidente TATOLI,I.P sujere.

Partisipa diseminasaun planu reabilitasaun ne’e, kompostu hosi Vise Prezidente Asuntu Mídia no Jornalístiku, Xisto Freitas da Piedade, Vise-Prezidente Asuntu Administrasaun no Finansa, Olandino da Costa hamutuk ho ekipa tékniku MOP.

Jornalista       : Felicidade Ximenes

Editór             : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here