Ministru Asuntu Parlamentár no Komunikasaun Sosiál, Francisco Jerónimo. Imajen Tatoli/Egas Cristovão

DILI, 26 outubru 2021 (TATOLI)—Ministru ba Asuntu Parlamentár no Komunikasaun Sosiál (MAPKOMS), Francisco Jéronimo, hateten MAPKOMS submete ona dekretu-lei ba Prezidensia Konsellu Ministru (PCM, sigla portugés) atu atribui subsídiu ba jornalista sira-ne’ebé hala’o servisu esensiál iha ámbitu COVID-19.

Notísia Relevante: MAPKOMS prepara baze legál suplementu remuneratóriu ba jornalista liña frente

“Dekretu-lei subsídiu ba mídia, ministéiru ne’e halo ona submisaun ba Prezidénsia Konsellu Ministru atu halo diskusaun no aprova hodi bele sai lei no baze ba pagamentu liña frente liu-liu ba jornalista sira,’’ Francisco Jéronimo informa liuhosi plenária iha debate estensaun estadu emerjénsia ba dala-XIX, tersa ne’e.

Governante ne’e hateten, jornalista sira iha tinan kotuk hetan subsídiu lina frente maibé tenke prepara dekretu-lei ketak ida la’ós hamutuk ho dekretu-lei ne’ebé mak foin lalais aprova iha fulan agostu liu-bá, tanba jornalista sira la’ós hanesan funsionáriu públiku maibé halo servisu hanesan esensiál.

Deputadu KHUNTO, Luis Roberto, husu ministériu relevante atu konsidera no aselera  lista lina frente jornalista sira-nia tanba servisu mídia iha ámbitu COVID-19  importante tebes.

Notísia Relevante: Ministru Francisco: “Jornalista iha Direitu Hetan Subsídiu Liña Frente ho Baze Dekretu-Lei”

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here