Diretór Edukasaun Munisípiu Viqueque, Emidio Amaral. Imajen TATOLI/Vitorino Lopes da Costa

VIQUEQUE, 26 outubru 2021 (TATOLI)–Ekipa hosi Ministériu Edukasaun Juventude no Desportu (MEJD) hahú tun direta ba eskola sira hodi rekolla dadús profesór voluntáriu iha munisípiu Viqueque.

“Ohin ita-nia ekipa ministériu iha postu administrativu Uatucarbau no horseik (segunda) sira iha Viqueque villa,” Diretór Servisu Edukasaun munisípiu Viqueque, Emidio Amaral, informa ba Agência TATOLI, iha ninia knaar fatin, Viqueque villa, tersa ne’e.

Ekipa MEJD ne’ebé hala’o atividade durante semana rua kompostu hosi rekursu umanu nasionál no finansa, ho objetivu re-verifika dadus profesór voluntáriu, karik naran seidauk tama iha parte ministériu.

Antes ne’e Servisu Edukasaun Munisipál submete ona dadus profesór voluntáriu iha Viqueque ba MEJD hamutuk 212, kompostu hosi ensinu pre-eskolár Eskola Tékniku Vokasionál hamutuk na’in-15, Ensinu Báziku 158 no Ensinu Sekundariu Jerál  39.

“Ita-nia profesór voluntáriu sira ne’e hanorin voluntáriu hosi tinan 2014 no to’o agora balun seidauk kontratu. Voluntáriu hosi tinan 2011 to’o 2013 ne’ebé asina kontratu hamutuk na’in 300-resin,” nia akresenta.

Tanba ne’e, ekipa servisu munisipál rekolla dadus iha munisípiu sira hodi aprezenta iha MEJD hodi bele foti desizaun.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here