Sekretária Rejionál Adjuntu Prezidente Autoridade RAEOA ba reforsu institusionál, Leonia Monteiro. Imajen Tatoli/Egas Cristovão

OÉ-CUSSE, 26 outubru 2021 (TATOLI)— Autoridade Rejiaun Administrativa Espesiál Oé-Cusse Ambeno (RAEO) no Sentru Lojístika Nasionál (CLN, sigla portugués) deskute futuru instalasaun armazein iha rejiaun refere.

Autoridade RAEOA lideradu Arsénio Paixão Bano, koordena ona ho Ministériu Koordenadór Asuntu Ekonomiku (MKAE), Joaquim Amaral kona-ba futuru instalasaun Sentru lójiztika Nasionál ne’e.

“CLN hahú mai halo sensibilizasaun nune’e ba futuru bele instala ona armazein iha Oé-Cusse hodi promove produtu lokál hodi minimiza dependénsia produtu importasaun,” Adjunta Prezidente Autoridade, Leonia da Costa Monteiro, ko’alia iha salaun Alfândega, Palaban, Oé-Cusse, segunda ne’e.

Produtu iha RAEOA liga liu ba agrikultura, komérsiu, indústria, nune’e Autoridade RAEOA prepara-an ba futuru tuir kompeténsia ne’ebé prevista iha lei númeru 3/2014, katak iha autonomia administrativa, autonomia patrimoniál, autonomia finanseiru, maibé nafatin halo koordenasaun ho Guvernu Sentrál.

Diretór Ezekutivu Sentru Lojístika Nasionál, Jacinto Paijo, fó-sai katak bainhira Autoridade RAEOA fó autorizasaun tenke liuhosi selebrasaun akordu ida, hafoin instala armazein hodi asegura, sosa, prosesamentu, jestaun no distribuisaun.

“Governu bele instala tanba ho hanoin ida fó tratamentu espesiál ba Oé-Cusse, tanba durante ne’e ita aprende hosi pasadu, CLN seidauk sosa hare-kulit iha Oé-Cusse, entaun ho polítika rekuperasaun ekonómika fó subsídiu alimentár ba funsionáriu Estadu entaun atendimentu presiza armazein ne’ebé besik,” nia katak.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here