Ministru Edukasaun, Juventude no Desportu, Armindo Maia. Imajen TATOLI/Francisco Sony

DILI, 26 outubru 2021 (TATOLI)—Governu Australiana planeia atu apoia fundu millaun $1,6 ba Ministériu Edukasaun, Juventude no Deportu (MEJD) ba tinan oin hodi implementa programa Partership for Human Development (PHD).

Tuir Ministru Edukasaun Juventude no Desportu, Armindo Maia, programa ne’e akumula projetu lubun ida hanesan ALMA, Edukasaun inkluziva, INFORDEPE, mentór lokál, konsensaun eskolár, no projetu Edukasaun Multi Lingua (EMULI), ne’ebé projetu ne’e sei ezerse progresu iha área edukasaun ensinu báziku.

“Ita haree programa sira ne’ebé trasa ona iha projetu ne’ebé ohin tama iha rekomendasaun atu hahú iha tinan 2022 ne’e, ne’ebé sei lori vantajen ba labarik sira iha ensinu báziku. Tanba ne’e ita deside serbisu hamutuk atu lori edukasaun di’ak ba labarik sira iha futuru,” Ministru dehan foin lalais ne’e, iha  otél JL Vila, Fatuhada.

Iha biban hanesan, Embaixadór Austrália iha Timor Leste, Peter Roberts, hateten, Austrália sei la apoia de’it fundu ba Timor-Leste, maibé sei mantein kooperasaun ne’ebé hala’o ona iha área edukasaun.

“Ha’u kontente tanba Austrália no Timor-Leste bele ko’alia ba malu no halo planu hamutuk hodi bele koopera lori edukasaun ba futuru di’ak liután,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here