Imajen: Memensio Sequeira Freitas

Hosi:

Memensio Sequeira Freitas 

Depoizde ita hili tiha ita-nia Prezidente Repúblika iha tinan 2017 liuba liu hosi Eleisaun Prezidensiál hodi sai Xefi Estadu durante tinan lima nia laran, oras ne’e ár fresku Eleisaun Prezidensiál tinan 2022 huu maka’as fali ona iha ita hotu nia futar tilun. Basá, hela de’it ona kuaze fulan hitu (7) atu Prezidente Repúblika atuál remata nia mandatu períodu 2017 – 2022 nian. Bursa kandidatura ba ema númeru ida Nasaun no Estadu ida ne’e nian ne’ebé sei hola tronu iha Palásiu Ai-Tarak Laran mós komesa mosu nabnaban ona.

Diskusaun sira kona-ba figura balun ne’ebé merese atu prienxe pozisaun previliziadu ida ne’e mós komesa rame ona iha diskusaun públiku. Hahú hosi kritériu sira (tuir artigu 75 KRDTL nian), maturidade polítika, kapasidade intelektuál, kumprimentu ba KRDTL ba to’o hetan apoiu hosi forsa polítika ruma ka pessoa influente ruma sai tópiku ne’ebé trend tebtebes iha diskusaun sira aserka kandidatura Prezidente Repúblika ba períodu 2022 to’o 2027.

Oras ne’e, públiku tomak hein hela Prezidente Repúblika dekreta loron Eleisaun Prezidensiál nian tuir artigu 86 alineia c KRDTL nian hatuur. Lei eleitorál iha ninia artigu 12 hateten momoos katak O Presidente da República, consultados o Governo e os partidos políticos com assento parlamentar, fixa, por decreto, a data da eleição do Presidente da República com a antecedência mínima de sessenta dias. Purtantu, seidauk iha informasaun ruma kona-ba konsulta ne’ebé Prezidente Repúblika halo ho Governu no partidu polítika sira iha asentu iha Parlamentu Nasionál kona-ba markasaun data eleisaun nian, mas, sei to’o duni tempu ruma atu Prezidente Repúblika dekreta data refere. Importante mak preparasaun ba eleisaun refere hahú la’o ona liu hosi atualizasaun númeru votante sira iha Timor-Leste inklui rejistu eleitorál ba eleitór foun sira ne’ebé oras ne’e STAE hala’o hela iha rai laran inklui iha rai li’ur.

Prezidente Repúblika tuir lei inan

Iha artigu 74 KRDTL nian, fó difinisaun ba Prezidente Repúblika hanesan tuir mai: Prezidente Repúblika maka Xefe-Estadu, símbolu no garantia independénsia nasionál no unidade Estadu nian, no instituisaun demokrátika sira-nia funsionamentu regulár no Prezidente-Repúblika maka Komandante A’as liu Forsas Armadas nian.

Definisaun hanesan mós hateten iha artigu 3 alterasaun dalimak Lei Eleitorál para o Presidente República, Lei no 7/2006 de 28 de dezembro ne’ebé dehan: O Presidente da República é o Chefe de Estado, símbolo e garante da independência nacional, da unidade do Estado e do regular funcionamento das instituições democráticas (definisaun ida ke mai duni hosi artigu 74 KRDTL nian).

Iha definisaun sira iha leten ne’ebé KRDTL fó ba Prezidente Repúblika, ita bele kaer liafuan xave sira hanesan: Prezidente Repúblika nu’udar xefi Estadu, nu’udar símbolu no garantia independénsia nasionál no unidade Estadu nian no instituisaun demokrátika sira-nia funsionamentu regulár no sai mós nu’udar Komandante Supremu Forsa Armada nian.

Nu’udar Xefi Estadu, Prezidente Repúblika mak reprezentante aas liu ona ba Nasaun no Estadu ida ne’e tantu iha rai laran komu iha rai li’ur. Ne’e katak Prezidente Repúblika nu’udar figura importante no aas liu hosi panorama polítika nasionál, ho responsabilidade ba reprezenta jurídikamente Timor-Leste nian iha planu internasionál.

António Gaspareto Junior (2003) hateten katak O Chefe de Estado é um representante público que está presente em todas as formas de governo. Como Chefe de Estado, é o mais importante representante do país e quem mantém a continuidade e a legitimidade do Estado. O Chefe de Estado desempenha um papel que também é diplomático e que o permite assinar tratados em nome de seu país.

Nu’udar símbolu no garantia independénsia nasionál no unidade Estadu nian, no instituisaun demokrátika sira-nia funsionamentu regular, Prezidente Repúblika iha ninia papél importante tebtebes atu garante kontinuidade vida Nasaun no Estadu nian. Joaquim Ramos (2010) fó definisaun klara kona-ba Prezidente Repúblika. Nia define katak o Presidente da República é um órgão de controlo da democracia do seu país. A ele compete zelar pelo bom funcionamento das instituições, analisando actos legislativos, solicitando o seu controlo jurisdicional através do Tribunal Constitucional, (órgão especializado no controlo da legalidade e conformidade de certos actos com a Lei Suprema do Estado), utilizar os poderes que estão na sua posse, de forma autónoma ou partilhada, sempre que entenda tal medida como pertinente.

 Nia akresenta tan katak O Presidente da República compete também assegurar as boas relações entre as instituições, sendo o guardião da integração funcional das diversas entidades estaduais, promovendo a solidariedade entre instituições e o diálogo permanente que permita a correcta orientação e governo da “res publica”. Finalmente, a ele compete a defesa da unidade do Estado, cumprindo com uma função de harmonização da sociedade civil, designadamente através de intervenções tendentes à coesão dos cidadãos em torno de objectivos nacionais específicos ou gerais ‐ de relevante interesse público ‐ com sensibilização da opinião pública.

Ne’e atu dehan Prezidente Repúblika hanesan orgaun Estadu ne’ebé halo kontrolu ba demokrasia, katak nia mak garante funsionamentu normal orgaun Estadu sira nian, halo análize ba aktu lejislatura sira nian, solisita ba Supremu Tribunál Justisa (daudaun ne’e sei iha nível Tribunál Rekursu) atu halo kontrolu jurídiku ba kualkér Lei ruma. Prezidente Repúblika mós garante katak iha relasaun di’ak no armonia entre orgaun sira Estadu nian, sai guardiaun ba integridade no funsionamentu entidade Estadu nian, promove solidaderiedade entre orgaun sira liu hosi diálogu permanente (enkontru regulár ho titular Orgaun Estadu sira seluk) ho finalidade atu posibilita orientasaun no jestaun ba Public affairs ne’ebé loos. Prezidente Repúblika mós iha devér morál komu polítika atu defende Estadu unitáriu, buat ne’ebé iha KRDTL temi ho liafuan garantia independénsia nasionál no unidade Estadu nian.

Prezidente Repúblika mós iha ninia relasaun espesiál ho Forsas Armadas sira, iha ne’ebé Prezidente Repúblika duni mak sai nu’udar Komandante Supremu ba forsa armada nian. Militár balu iha F/FDTL hateten bainhira sidadaun ida eleitu liu hosi eleisaun nu’udar Prezidente Repúblika, hahú hosi loron ne’ebé nia toma pose sai ona nu’udar aman ba forsa armada sira. Tanba ne’e, forsa armada iha atu defende, kumpre no asegura desizaun tomak ne’ebé Prezidente Repúblika sei toma ba Nasaun no Estadu.

Tuir Filipe Correia Eduardo (2015: 3) deskreve klaramente kona-ba relasaun Prezidente Repúblika ho Forsa Armada nian. Nia deskreve katak A relação do Presidente da República com as Forças Armadas no atual sistema político não se esgota nas disposições previstas no aparelho constitucional e legislativo. O Chefe de Estado é por isso detentor de poderes distintos ao abrigo das funções que lhe estão atribuídas enquanto Comandante Supremo das Forças Armadas. A atribuição ao Chefe do Estado, por inerência, do Comando Supremo das Forças Armadas, impõe uma relação peculiar com os restantes órgãos de soberania. No que concerne às questões militares e de defesa, emerge a necessidade de uma análise aos serviços intermédios, com especial destaque para o papel da Casa Militar, enquanto estrutura de apoio direto, e do Conselho Superior de Defesa Nacional, enquanto orgão consultivo.

Iha artigu 9 hosi Dekretu Lei no. 7/2004 de 5 de maio hatuur momoos kona-ba funsaun Prezidente Repúblika nian nu’udar Komandante Supremu Forsa Armada nian, ho diretu no devér sira ne’ebé konsta iha artigu refere (bele konsulta ho Lei Orgánika Forsa Armada refere).

Purtantu, ko’alia kona-ba Prezidente Repúblika, definisaun hirak ne’e mak Konstituisaun Repúblika hateten hodi defini sé loos mak Prezidente Repúblika refere.

Atu fortifika definisaun hirak ne’e, KRDTL fó mós kompeténsia lubuk ida hanesan kompeténsia rasik ne’ebé konsta iha artigu 85, kompeténsia kona-ba órgaun sira seluk ne’ebé sita iha artigu 86 no kompeténsia kona-ba relasaun internasionál nu’udar hatuur iha artigu 87. Iha ninia juramentu (tuir alineia 3 hosi artigu 77) hateten katak Prezidente Repúblika sei halo tuir loloos knaar ne’ebé nia simu, halo tuir no haruka halo tuir Lei-Inan no lei-oan sira no fó ba nia kbiit no kapasidade tomak atu tuba-netik no hametin ukun an rasik no unidade nasaun nian.

Figura ideál ba 2022 – 2027

Iha artigu 75 kona-ba elejibilidade Prezidente Repúblika nian, hatuur momoos kritériu ba timoroan sira-ne’ebé, iha ilas hotu tuirmai ne’e: Sidadaun nanis; Iha tinan mínimu 35; Ho kapasidade di’ak no ne’ebé hetan proposta husi sidadaun hili-na’in mínimu nain rihun lima. Kritéria rebo-rebo ne’ebé mosu iha televizaun, rádiu, jornál to’o mídia sosiál sira kona-ba sé mak serve atu kandidatu aan ba Prezidente Repúblika ne’e hanesan de’it espetativa públiku nian atu sidadaun sira ne’ebé hakarak kandidata aan bele sukat mós ho ninia kapasidade tantu intelektuál, polítika, jurídika, komu matoridade polítika ne’e rasik. Maibé, kritéria loloos ne’ebé KRDTL ezije mak sita iha artigu 75 refere.

Kritéria sira tuir artigu 75 KRDTL iha leten deskreve detalladamente liu tan liu hosi artigu 17 Lei no. 7/2006, de 28 de dezembro kona-ba Eleisaun Prezidente Repúblika, hanesan sita tuir mai:

  1. A apresentação consiste na entrega de uma declaração em que se manifesta a vontade de apresentar o candidato a eleição do Presidente da Republica e uma declaração de aceitação de candidatura.
  2. A declaração contem a data da eleição, o numero de assinaturas de cidadaos eleitores exigido no n.° 1 do artigo 15.°, os elementos de identificacao do candidato e do representante da candidatura e e acompanhada de prova de inscrição dos proponentes no recenseamento eleitoral.
  3. A declaração e, ainda, acompanhada de fotocopia autenticada do cartão de eleitor, e de documentos que, quanto ao candidato, provem:
  4. Idade minima de trinta e cinco anos;
  5. Cidadania timorense originaria.
  6. A declaração e, ainda, instruida com fotocopia autenticada do cartão de eleitor do representante da candidatura.
  7. No ato de apresentação o candidato junta a declaração de candidatura, por si assinada, na qual declara por sua honra que nao esta abrangido por qualquer inelegibilidade, que aceita a candidatura e designa ainda o representante da candidatura.

Purtantu, sidadaun sé de’it mak prienxe rekezitu konstitusionál no jurídiku iha leten, bele de’it aprezenta nia kandidatura basta sukat mós kapasidade sira seluk ne’ebé bele suporta no garante ninia personajen ba hadau tronu aas liu iha Timor-Leste iha Ai-tarak laran. Ida ne’e tanba sai Xefi Estadu ne’e la’ós kargu ida atu ita ba halo komedia ka teátru ruma maibé ita atu xefia no reprezenta Estadu no Nasaun Timor-Leste iha kontestu nasionál, rejionál no globál. Hosi aspetu ida ne’e mak diskusaun públiku nian kona-ba rekezitu komplementár sira hanesan kapasidade intelektuál, abilidade atu kria relasaun di’ak ho instituisaun sira Estadu nian komu ho Nasaun sira seluk, kumprimentu ba KRDTL no Lei sira vigora iha RDTL no sira seluk tan pertinente atu kualker kandidatu ida bele konsidera atu sukat nia aan molok deklara nia kandidatura.

Pergunta simples ne’ebé hakerek na’in hakarak husik hela ba públiku no sani na’in sira mak ne’e: “Sé loos mak kandidatu ideal ba Prezidente Repúblika període 2022 – 2027”? Klaru ke ema idaidak ho kapasidade no abilidade ne’ebé la hanesan iha aspetu sa’ida de’it. Maibé, hosi figura ka pessoa sira ne’ebé publikamente deklara ona atu kandidata aan (mezmu Prezidente Repúblika seidauk dekreta data ba eleisaun) ka figura hirak ne’ebé sei nonook hela maibé ema seluk promove ona nu’udar preferensia ida, ita bele ona halo sasukat ida kona-ba sé mak kandidatu ideal ba kadeira númeru ida iha rai maubere ida ne’e.

Ba ema barak nia haree, ema sé mak ideal ba Prezidente Repúblika períodu 2022 – 2027 mak figura ne’ebé bele garante estabilidade polítika no seguransa iha rai ida ne’e. Situasaun no postura polítika Timor-Leste nian daudaun ne’e presiza figura Prezidente Repúblika ida ne’ebé bele prienxe definisaun ne’ebé Konstituisaun Repúblika iha ninia artigu 74 deskreve ona. Figura Prezidente Repúblika ida ne’ebé buka atu kumpre de’it Konstituisaun Repúblika no Lei sira haruka no nunka atu halo tuir ninia hakarak ka ema ruma nia hakarak inklui partidu sira nia hakarak. Nia só hakruuk de’it ba KRDTL no tuir povu nia vontade!

Tanba sá estabilidade polítika no seguransa importante tebes atu Prezidente Repúblika ida tenke garante? Planu Estratéjiku Dezenvolvimentu Nasionál 2011 – 2030 iha ninia pájina 194 deskreve katak A estabilidade e a segurança são condições prévias, necessárias para o desenvolvimento social e económico. Depois de muitos anos de conflito, o objectivo de Timor-Leste é ser uma Nação estável e segura que reconhece o Estado de Direito e assegura o acesso à justiça a todos os nossos cidadãos. A prossecução destes objectivos exigirá o desenvolvimento de instituições transparentes, responsáveis e competentes na nossa função pública, no nosso sector de segurança e no nosso sistema judicial.

Ne’e katak estabilidade polítika no seguransa ka’er papel importante atu asegura no aselera prosesu dezenvolvimentu nasionál ne’ebé hatuur ona iha PEDN ne’e rasik. Katak dezenvolvimentu sosiál no ekonómiku só bele la’o di’ak bainhira estabilidade polítika no seguransa ne’e garantidu no hanesan Xefe Estadu, Prezidente Repúblika iha devér morál no polítika atu garante kestaun ida ne’e. Prezidente Repúblika nu’udar aman Nasaun nian tenke garante katak postura polítika hotu-hotu ne’ebé akontese iha paíz ida ne’e atu asegura dezenvolvimentu no tenke garante mós katak seguransa ne’e kestaun previa no nesesáriu ida atu vida nasaun nian bele la’o iha trankilu nia laran sein iha konflitu ka krize polítika militár ruma hanesan akontese iha nasaun barak inklui akontese iha Timor-Leste iha tinan 2006.

Kabe ba ita ida-idak atu halo sasukat ba figura sira ne’ebé iha korajen atu kandidata sira nia aan, basá sira iha direitu sívika ne’ebé Lei mós asegura. Ema ida-idak iha ninia avaliasaun rasik ba kandidatu ida-idak nia kapasidade, liu-liu sukat se kandidatu refere bele prienxe duni definisaun ne’ebé KRDTL deskreve kona-ba Prezidente Repúblika ne’e rasik. Karik mak iha instituisaun ruma ka akadémiku balu ou peskizadór balu halo sondajen ruma kona ba elejibilidade ba Prezidente Repúblika nian karik, ita bele ona iha iluminasaun uitoan kona-ba sé mak sei okupa primeiro homem iha rai ida ne’e.

Basta kandidatu ida mai dehan ba povu tomak iha kampaña eleitorál katak nia iha devér moral no polítika atu garante estabilidade polítika no seguransa, mak ema ne’e duni mak sei sai povu tomak nia kandidatu forte sein haree nia mai hosi ne’ebé. Mas la’ós de’it nia atu deklara nune’e, kandidatu refere tenke konsege fó konviksaun ba públiku katak nia sei kumpre duni kontratu sosiál ida ne’e bainhira eleitu nu’udar Prezidente Repúblika. Razaun simples, tanba definisaun kona-ba Prezidente Repúblika ne’ebé KRDTL fó, bele rezumidu ba buat rua ne’e de’it, garante estabilidade polítika no garante estabilidade seguransa.

Atu garante buat rua ne’e, figura ideal ba Prezidente Repúblika ne’e tenke iha relasaun polítika no sosiál di’ak ho partidu sira hotu ne’ebé eziste iha Timor-Leste (tantu sira be hetan asentu iha PN komu sira be la hetan asentu iha PN) no liu-liu kumpriende separasaun podér Orgaun Estadu idaidak nian (artigu 69 KRDTL) no figura ida ne’e iha ninia relasaun emosionál, relasaun istóriku no relasaun institusionál di’ak ho forsa armada. Karik figura balu bele hatudu ida ne’e ba públiku mak ha’u fiar katak figura refere duni mak sei sai kandidatu ideal liu. Ita hein!

*) Hakerek na’in nu’udar manorin ida iha Eskola Sekundária Públika 12 de Novembru Dili no hela iha Manleuana Dili.

PUBLISIDADEiklan

HAKEREK NO HATÁN

Please enter your comment!
Please enter your name here