Autoridade munisípiu Bobonaro, diskute preparasaun ba komemorasaun loron proklamasaun independénsia 28 Novembru tinan 2021, Imajen TATOLI/Sérgio da Cruz.

BOBONARO,25 outubro 2021 (TATOLI)— Autoridade munisipál Bobonaro ho liña ministeriál sira-ne’ebé envolve iha komisaun eventuál, segunda ne’e realiza enkontru hodi diskute sekuénsia ba komemorasaun loron proklamasaun independénsia 28 Novembru ba dala-46.

“Ohin, ita mai enkontru kada seksaun sira mai aprezenta sira-nia planu atividade nomoos orsamentu ne’ebé mak ita atu prevee hodi selebra ita-nia loron proklamasaun independénsia 28 Novembru,” Prezidente Komisaun Organizadora, Semedo Lacu da Costa, informa ba jornalista sira, iha salaun administrasaun munisípiu Bobonaro.

Hafoin enkontru ne’e sei forma mós komisaun balun tán, tanba komemorasaun loron proklamasaun independénsia iha tinan ne’e, governu aloka mós orsamentu to’o iha nível postu administrativu no suku sira.

“Orsamentu totál ne’e hamutuk rihun $18. Hosi ida-ne’e ita sei koloka kada suku hetan $1000 dolar, depois ba postu lima ida hetan $1000, enkuantu postu Maliana Vila hamutuk iha munisípiu de’it,” nia esplika.

Atividade ne’ebé sei realiza iha komemorasaun loron importante ne’e mak hanesan atividade animasaun dada-tali, halai karón no seluk tán.

Komandante PNTL Munisípiu Bobonaro, Superientendente Antoninho Mauluta, hateten daudaun ne’e preparadu ona atu halo formasaun ba estudante sira-ne’ebé sei hasa’e bandeira nasionál.

Jornalista         : Sérgio da Cruz

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here