SEJD, Abrão Saldanha, akompaña hosi PAM Dili, Guilhermina Filomena Saldanha, no Komandante PNTL Munisípiu Dili, Superintendente Xefe Henrique da Costa, lansa fatuk dahuluk konstrusaun kampu multifunsaun ihaTaibessi. Imajen/ Hortencio Sanchez

DILI, 22 outubru 2021 (TATOLI)— Sekretáriu Estadu Juventude no Desportu (SEJD), Abrão Saldanha, akompaña hosi Prezidente Autoridade Minisípiu Dili, Guilhermina Filomena Saldanha, no Komandante Polisia Nasional Timor-Leste (PNTL) Munisípiu Dili, Superintendente Xefe Henrique da Costa, lansa fatuk dahuluk konstrusaun kampu multifunsaun ihaTaibessi, suku Lahane Orientál, Dili.

“Governu apoia konstrusaun kampu multifunsaun tanba inisiativa mai hosi joven-sira iha Lahane Oriental ne’ebé buka espasu ba atividade desportu,” Sekertáriu Estadu Juventude no Desportu (SEJD), Abrão Saldanha,  hateten, bainhira halo lansamentu fatuk dahuluk konstrusaun fatuk dahuluk iha Taibesi, Dili, sesta ne’e.

Konstrusaun kampu multifunsaun ho objetivu atu joven-sira bele espresa talentu no prátika desportu hanesan futeból, basketból no voleiból.

Projetu ne’e ezekuta hosi kompañia Uka Unipesoál Lda, ho orsamentu $24.000-resin no durasaun fulan-neen.

“Ita lansa fatuk dahuluk no tuir kontratu kompaña sei finaliza durante fulan neen hodi halo hodi hala’o inagurasaun. Ha’u husu komunidade nia kontribuisaun ba apoiu konstrusaun kampu ne’e,” nia sujere.

Iha biban hanesan, Prezidente Autoridade Munisípiu Dili, Guilhermina Filomena Saldanha, agradese ba Governu liuhosi SEJD ne’ebé laran luak responde ona komunidade liuliu joven sira iha Lahane Oriental nia preokupasaun.

“Obra ne’e nuudar dezenvolvimentu iha área desportu ba iha Munisipiu Dili, atu hodi halibur joven-sira no hariku talentu joven-sira nian,” Prezidente Auotoridade ne’e agradese.

Nune’e, nia husu ba komunidade hela besik área ne’e atu koopera di’ak ho kompaña atu bele ezekuta obra importante ne’e ho susesu.

Entretantu, Enjeñeiru Kompaña Uka Unipesoal, Lda, Celestino de Jesus, promete ba Governu no komunidade atu ezekuta obra tuir dezeñu no kontratu.

“Ami sei serbisu ho di’ak atu obra finaliza tuir kalendáriu ne’ebé maka iha tanba ami halo analiza katak osan ne’e sufisiente atu konstrui kampu desportu ho nivél multifunsau,” nia promete.

Jornalista        : Hortencio Sanchez

Editór              : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here