Entidade relevante sira partisipa semináriu nasionál “Krime Sem Fronteiras” iha salaun Eskola Sekundária Jerál Públiku Covalima. Imajen Tatoli/Celestina Teles.

COVALIMA, 22 outubru 2021 (TATOLI)—Polisia Sientifika Investigasaun Kriminál (PSIK), sesta ne’e realiza semináriu nasionál ho tema “Krime Sem Fronteiras” ba entidade relevante sira iha munisípiu Covalima, atu hametin medida prevensaun no motiva sidadun sira labele involve an iha krime.

Ditetór Nasionál PSIK, Vicente Fernandes Brito hateten, semináriu ne’e ho objetivu atu motiva sidadaun sira limita an ba posibilidade ne’ebè envolve iha área krime relasaun ho krime sira-ne’ebè mak sai preokupasaun mundiál hanesan tráfiku droga, tráfiku umanu no krime sira seluk. 

“Ita tenke reforsa medida prevensaun. Smináriu ida-ne’e hanesan atividade konsolida no haforsa ita-nia medida prevensaun liu-liu iha munisípiu sira-ne’ebè mak iha fronteira. Ami haree importante duni. Ita realiza semináru nasionál ho tema ‘Krimi Sem Fronteiras’ hanesan krime organizadu transnasionál, krime sira-ne’ebè mak nia bele ultra pasa fronteira ba nasaun seluk,” Vicente Fernandes Brito hateten ba jornalista sira iha salaun Eskola Sekundária Jerál Públiku Covalima.

Tanba, nia dehan, kazu sira hanesan kazu tráfiku droga, kazu tráfiku umanu no terorizmu ne’e nia konsekuénsia bele prejudika pás no fó kauza ba seguransa no trankuilidade ba komunidade.

“Estadu tenke hamriik firme hodi kombate. Maibe ita tenke prevene hodi reforsa ho medida prevensaun, nune’e autoridade lokál sira bele fó motivasaun ba komunidade,” nia hateten. 

Tanba ne’e, PSIK iha kompeténsia kobre territóriu nasionál hodi investiga, prevene, deteta krime komplexu no organizaduu iha natureza transnasionál, nune’e liuhosi meiu diskusaun oioin atu alerta ba komunidade katak tenke kuidadu ho krime hirak ne’e. 

Semináriu nasionál ne’e, partispa hosi entidade relevante sira iha Covalima mak hanesan autoridade lokal hosi postu administrativu hitu (7) no estudante sira. 

Jornalista : Celestina Teles

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here