Rezultadu golu 4-2 entre jogu M-VDL no Estrela Baquia 4-2. Imajen/ALFT

DILI, 21 outubru 2021 (TATOLI)– Ekipa M-VDL Lahane susesu iha jogu jornada 17 tanba konsege “dere” adversáriu Estrela Baguia FC ho eskore 4-2, iha Pra Liga Futsal Timor-Leste ne’ebé halao iha kampo futsal FALINTIL-Forsa Defeza Timor – Leste (F-FDTL) Fatuhada.

VDL hatudu nia jogu amizade hodi hadau pontu tolu hosi Baguia FC, nune’e jogu komesa la’o iha de’it minutu lima, jogadór João de Jesus lansa ona golu ida hatur rezultadu ba 1-0.

Rezultadu ne’e, halo jogu makas liuhosi kontra-atake entre ekipa rua, maibé VDL nafatin domina bola, nune’e iha minutu 18, João de Jesus hetan tan oportunidade hodi lansa tan golu ida muda rezultadu ba 2-0.

Hosi golu ne’e mak termina jogu iha minutu primeira parte, ne’ebé jogadór sira tenke sai mai kampu ninin hodi dada is no hemu, hafoin kontinua ba segunda parte.

Semo ba segunda parte ekipa rua hatudu jogu ne’ebé ho ritmu, maibé fó oportunidade di’ak ba jogador Baguia, Carlos Gudinho, iha minutu 24 responde golu ida hodi hatur rezultadu ba 2-1.

Maibé, jogu liu de’it minutu ida jogadór VDL Dom Savio responde tan golu ida hodi muda eskore ba 3-1.

Golu ne’e halo Baguia tenke servisu makas atu bele prodús golu hodi muda rezultadu, nune’e iha minutu 27, jogadór Lourenço Ximenes halo tan golu ida lori rezultadu ba 3-2.

Ekipa VDL komesa la nonook de’it, iha minutu ne’ebé hanesan 27, jogadór Fernando Fernandes lansa tan golu ida hodi save metin vitória ba VDL hodi hadau pontu tolu.

Vitória ne’ebé VDL hetan lori ekipa ne’e mantein iha pontu 23 tuur iha liña 11 tabela klasifikasaun provizóriu.

Maski pozisaun VDL iha liña mean, maibé sei iha oportunidade boot atu haksoit sa’e ba liña modok. Enkuantu Baguia tenke mantein ho pontu 18 tuur metin iha liña mean.

Notísia relevante: Santa Cruz “derrota” kontra São Francisco

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here