Prezidente CNE, José Agostinho da Costa Belo. Imajen Tatoli/Francisco Sony.

DILI, 22 outubru 2021 (TATOLI)—Komisaun Nasionál Eleisaun (CNE, sigla portugés) sei halo rekrutamentu ba ofisiál monitorizasaun ba eleisaun prezidensiál 2022, hodi halo servisu supervizaun ka monitorizasaun ba eleisaun.

Notísia Relevante: STAE-CNE lansa resensiamentu eleitorál ba preparasaun eleisaun prezidensiál 2022

“Pedidu ne’ebé iha, ita sei rekruta númeru ofisiál monitorizasaun tuir sentru votasaun hamutuk 1200 iha territóriu nasionál,” Prezidente Komisaun Nasionál Eleisaun (CNE, siglá portugés), José Agostinho da Costa Belo, hateten ba Agência Tatoli liuhosi dadalia eskluzivu iha nia kna’ar fatin, Caicoli, Dili, sesta ne’e.

CNE sei loke prosesu rekrutamentu ne’e ba públiku iha fulan novembru no dezembru nia laran, no rekrutamentu ne’e sei tuir suku sira iha Timor laran tomak.

“Rekrutamentu ne’e hala’o, nune’e prepara ofisiál monitorizasaun sira liuhosi formasaun antes sira tun ba terrenu,” nia dehan.

Mabé, na informa, CNE sei hein Prezidente Repúblika atu dekreta kalendáriu eleisaun prezidensiál 2022 iha fulan janeiru maibé la taka dalan Prezidente Repúblika bele adianta iha fulan-dezembru.

“Ida-ne’e normal, tanba loron 60 minimu fulan ida antes mós bele, nune’e ita hein preparadu hafoin hela reajusta estrutura iha lara. Tanba ne’e, ho nesesidade atu rekruta tan ofisiál monitorizasaun,” nia hateten.

Notísia Relevante: PUDD sei deside kandidatura PR iha konferénsia nasionál

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here