Ministru Justisa, Manuel Cárceres da Costa. Imajen TATOLI/Egas Cristóvão

DILI, 21 outubru 2021 (TATOLI)Ministru Justisa (MJ), Manuel Cárceres da Costa, hateten, Portugal komprometidu apoia Timor-Leste iha setór justisa, liuliu kolabora forma entidade justisa sira iha Sentru Formasaun Jurídika no Judisiária (CFJJ, sigla portugés).

Ministru Justisa no delegasaun halo vizita ba Portugal no España iha loron 01 outubru no fila hikas mai Timór iha 14 outubru 2021, no partisipa iha konferénsia iha España iha loron 06 to’o 08 outubru, tanba ne’e aproveita halo vizita traballu ho entidade país rua hodi hametin kooperasaun.

“Hato’o relatóriu vizita traballu ba Primeiru-Ministru. Vizita ba Portugal, ha’u hasoru malu ho Ministru Justisa, Sekrtáriu Estadu Justisa, Prezidente Supremu Tribunál Justisa, Prokuradór Jerál Repúblika, Institutu Rejistu Notariadu, no Universidade Coimbra  Portugal, ho objetivu hametin kooperasaun iha setór justisa no sira prontu atu ajuda nafatin Timor-Leste, liuliu iha sentru formasaun judisiáriu hodi forma ita-nia juíz, prokuradór, defensor públiku, notáriu, konservadór no advogadu privadu sira,” Ministru Manuel Cárceres, hateten, hafoin hasoru Xefe Governu, iha Palásiu Governu, kinta ne’e.

Enkuantu, ho Universidade Coimbra, Timor-Leste  sei prepara grupu dahuluk ba sira ne’ebé atu sai notariadu no konservadór, hodi estajiu durante fulan-neen, hahú fulan-outubru ne’e ho turnu daruak ba ema hamutuk 20, no formasaun ne’e sei kompleta iha Timór.

Aleinde ne’e, Ministru Cárceres partisipa reuniaun ho Ministru Justisa Portugal.

“Hosi reuniaun ne’e, ami asina deklarasaun ida atu hametin kooperasaun internasionál iha área judisiáriu, nune’e setór judisiária ajuda karik sira hosi Brazil, nune’e ita bele liuhosi meiu informátiku, itabele tulun malu atu justisa ne’e sai pilár importante ba sosiedade demokrátiku,” nia akresenta.

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here