Komandante Pólisia Nasionál Timor-Leste (PNTL) Munisípiu Baucau, Superintendente Xefe Armando Monteiro. Imajen Agência TATOLI/Eugénio Perreira.

BAUCAU, 21 outubru 2021 (TATOLI) – Komandu Pólisia Nasionál Timor-Leste (PNTL) Munisípiu Baucau, preparadu asegura seguransa durante selebrasaun loron finandu.

Komandante PNTL Munisípiu Baucau, Superintendente Xefe Armando Monteiro, orienta ona komadante eskudra sira atu elabora planu hodi aprezenta ba komandu munisípiu nune’e fó seguransa másimu ba komunidade durante loron finandu.

“PNTL sei seguransa permanente iha kada semitériu, inklui halo patrullamentu tátika forsa tarefa konjuntu, oinsá atubele haree mós asuntu balun ne’ebé ligadu ho movimentu komunidade ba semitériu,”  nia ko’alia Baucau, kinta ne’e.

Armando esplika, loron finadu sei realiza durante loron rua hosi 1 to’o 2 fulan novembru nune’e PNTL sei tau importánsia ba fatin ne’ebé sai alvu seguransa hanesan Igreza no semiteiru ne’ebé lokaliza iha área jurídika Baucau nian.

Antes ne’e, Komandu rasik realiza ona inkontru koordenasaun iha loron 4 outubru liubá hodi prepara planu seguransa ne’ebé envolve komadante esquadra no xefe seksaun sira hodi formula no aprezenta planu.

Superintendente ne’e simu ona karta sirkulár hosi Komadante jerál PNTL atu implementa seguransa ne’ebé mak di’akliu ba loron finadu.

PNTL mós identifika ona fatin ne’ebé mak deskonfia risku konflitu, maibe fatin refere sai estratéjia PNTL nian.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here