Diretór SMPSDN, Quintino da Costa. Imajen Tatoli.Celestina Teles.

COVALIMA, 21 outubru 2021 (TATOLI)—Mercy Corps no Crus Vermelha de Timor Leste  (CVTL), apoiu fundu $600 ba Servisu Munisípal Protesaun Sivil Dezastre Naturál (SMPSDN) atu selebra loron mundiál ‘Redusaun Risku Dezastre Naturál’ (RRDN) ho kuda ai-oan.

Diretór SMPSDN, Quintino da Costa informa, loron mundiál Redusaun Risku Dezastre Naturál monu iha 13 outubru maibé munisípiu Covalima foin selebra iha loron 25 fulan-outubru, ne’ebè sei selebra iha postu administrativu Maucatar, munisípiu Covalima. 

“Atu selebra loron mudiál Redusaun Risku Dezastre Naturál, ita hetan fundu hosi parseiru denzenvolvimentu Mercy Corps $5.000 no hosi CVTL $100 hodi realiza atividade refere,” Diretór Quinto da Costa hateten ba Agência tatoli, iha nia kn’ar fatin Suai Loro, Covalima, kinta ne’e. 

Fundu hirak ne’e uza hodi prodús banner no prepara ai-han durante halo selebrasaun loron Mundial Redasaun Risku Dezastre Naturál. Maske ho orsamentu ne’ebè natoon maibé importante bele selebra loron refere ho programa hamoos baleta no kuda ai-oan iha postu administrativu Maucatar.

Maske Governu deside selebra loron mundiál Redusaun Risku Dezastre Naturál iha munisípiu Viqueque iha 13 outubru, maibé munisípiu Covalima mòs iha hanoin atu selebra loron mundiál refere.

Tuir Agência Tatoli nia observasauun katak, Servisu Munisípal Protesaun Sivil Dezastre Naturál oras ne’e daudauk halo preparasaun no fahe ona konvite ba instituisaun sira atu partisipa iha loron refere. 

Jornalista : Celestina Teles

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here