Mapa munisípiu Viqueque. Imajen/Espesiál

VIQUEQUE, 21 outubru 2021 (TATOLI)–Konstrusaun sede suku Builo, postu adiministrativu Ossu, munisípiu Viqueque atinje ona 92%, ne’ebé daudaun kompañia falta kompleta tan odamatan bele finaliza ona.

“Konstrusaun obra sede suku Builo konstrui hosi kompañia Bika Isi unip Lda, ne’ebé atu entrega ona iha konsellu suku, maibé kompañia seidauk kompleta odamatan, tanba ne’e agora seidauk entrega. Ami nafatin akompaña konstrusaun, fiar katak iha tempu badak kompañia sira bele finaliza ona,” Xefe suku Buillo, Osorio da Silva, informa ba Agência Tatoli, via telefónika, kinta ne’e.

Kontrusaun ne’e hahú iha tinan 2020, lokaliza iha aldeia Builo, ne’ebé kustu ba obra ne’e  hosi  kapitál dezenvolvimentu hosi Programa Dezenvolvimentu Integradu Munisipál (PDIM) ho totál orsamentu $2.790.

Suku Builo kompostu hosi aldeia haat hanesan Builo, Buareka, Lutugia no Buarulu ho totál populasaun 1.456, ne’ebé suku ne’e rasik lokaliza iha área rurál no seidauk asesu eletresidade

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here