Komandante UPF, Superintendente Polisia Euclides Belo, hamutuk Konsellu suku no lian na’in Saburai observa hela rai ne’ebé oferese atu konstrui postu vizilansia. Imajen/ mídia UPF

DILI, 21 outubru 2021 (TATOLI)— Konsellu Suku Saburai, postu administrativu Maliana, munisípiu Bobonaro ho inisiativa entrega rai mamuk ba Polisia Nasionál Timor-Leste liuhosi Unidade  Polísia Fronteira (UPF) atu konstrui postu vizilansia.  

“Ohin, kinta (21/10), Konsellu Suku no reprezentante lia nain suku Saburai, deside hamutuk hodi fó fatin ka rai mamuk  ba Unidade Polisia Fronteira (UPF), hodi konstrui postu vizilánsia hodi asegura seguransa iha liña fronteira espesialmente komunidade suku Saburai no mós ba ita nian rai doben Timor-Leste,” Komandante UPF, Superintendente Polisia Euclides Belo, hateten, liuhosi nota ne’ebé Agência TATOLI asesu, kinta ne’e.

Medida rai ne’ebé komunidade ho Autoridade lokàl entrega ho metro kuadradu 50×50 iha área Loriololo, aldeia Mabiloca, suku Saburai, postu Maliana, munisípiu Bobonaro.

Daudaun, Governu liuhosi Ministériu Interiór ho apoia parseiru sira konstrui ona postu hamutuk 30-resin liuhosi investimentu hosi funu COVID-19 no orsamentu 2021.

Governu espera ho aumenta nuemru postu sira iha froteira terreste atubele minimiza númeru pasajen ilegál.

Notísia relevante : PM espera aumenta postu iha fronteira bele redúz pasajen ilegál

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here