Prezidente EDTL, E.P, Paulo da Silva. Imajen TATOLI/Francisco Sony

DILI, 21 outubru 2021 (TATOLI)Eletricidade de Timor-Leste, Empreza Públiku (EDTL,E.P) planeia ona monta iluminasaun iha kapitál munisípiu Baucau, Dili, Lautem, Manatuto, Covalima, Liquiçá no Manufahi, ho totál kustu millaun $2.

Tanba ne’e, Prezidente Konsellu Administrasaun EDTL, E.P, Paulo Silva, hasoru malu ho Primeiru-Ministru (PM), Taur Matan Ruak, hodi relata progresu programa ne’e.

“Informa ba Primeiru-Ministru kona-ba iluminasaun sidade munisípiu ka lampu jalan ba munisípiu sira. Iha tinan ne’e sei implementa ba munisípiu hitu ne’ebé hala’o ona konkursu no agora daudaun iha faze avaliasaun, sei inisia ho Baucau no iha ona manan-na’in tanba Prezidente Repúblika sei ba komemora loron Proklamasaun Independésia 20 novembru iha munisípiu ne’e,” Prezidente Konsellu Administrasaun EDTL,E.P, Paulo Silva, relata hafoin hasoru Xefe Governu iha Palásiu Governu, kinta ne’e.

Notísia relevante: Selebrasaun 28 novembru, PAM planeia ilumina estrada Baucau iha tempu kalan

Progresu konkursu públiku ba munisípiu seluk, daudaun ne’e iha prosesu avaliasaun dokumentu.

Enkuantu, ligadu ho ahi mate lakan, Paulo Silva klarifika, daudaun ne’e Governu Timor-Leste deside ona sei halo empréstimu millaun $35 hosi Asia Development Bank (ADB), nune’e iha fulan-novembru ne’e sei selebra akordu dijitaliza ba liña distribuisaun.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here